29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
6 տարի էր նախատեսված, մենք 1,6 տարում ավարտում ենք․ Ավինյանը՝ Ազարյանի անվան դպրոցի մասին. ՏԵՍԱՆՅՈՒԹ
Տնտեսություն
15.12.2025 | 11:34
Ալբերտ Ազարյանի անվան օլիմպիական մարզադպրոցի մասնաշենքի կառուցման աշխատանքները ընթանում են պլանավորված ժամանակացույցին համաձայն և բավականին արագ տեմպերով։ Այս մասին Երևանի քաղաքապետարանի գործակարգավարական նիստի ժամանակ ասաց «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի տնօրենի պաշտոնակատար Անետա Բաբայանը։
«Ֆինանսական կատարողականի մասով նույնպես տարին կփակենք լավ արդյունքներով, և այս մասով ենթադրում եմ՝ շեղումներ չունենք»,- ասաց Բաբայանը՝ նշելով, որ եթե այդ տեմպերով շարունակեն, ապա 2026 թվականի աշնանը մարզադպրոցը կբացվի։
Տիգրան Ավինյանը եզրակացրեց, որ հնարավոր է այս տեմպերով աշխատել։
«Նախագծով նախատեսված էր, որ այս աշխատանքները պետք է տևեն վեց տարի։ Մենք մեկ տարի վեց ամսում աշխատանքները, կարծես, ավարտին ենք հասցնելու։ Ճի՞շտ եմ, տիկին Բաբայան»,- ասաց քաղաքապետը։
Ի պատասխան՝ Անետա Բաբայանը հաստատեց։
«Այսինքն, այն, ինչը մեր ստանդարտներով նախատեսված էր վեց տարի, իրականության մեջ մենք մեկուկես տարում ավարտում ենք։ Եվ տեմպը, համապատասխանաբար, ցույց է տալիս, որ դա հնարավոր է։ Եվ եթե դա հնարավոր է, դա հնարավոր է նաև մեր մանկապարտեզների, բակերի դեպքում։ Դա հնարավոր է մեր բոլոր աշխատանքների դեպքում։ Եվ այսուհետ այս պահանջը լինելու է բոլոր շինարարական աշխատանքների վերաբերյալ»,- ընդգծեց Տիգրան Ավինյանը։
Մանրամասները՝ տեսանյութում։
Արփի Հակոբյան
