27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Ծիծեռնակաբերդի խճուղու հիմնական փլուզված հատվածը վերականգնվել է․ քաղաքապետարանի պաշտոնյա. ՏԵՍԱՆՅՈՒԹ
Տնտեսություն
15.12.2025 | 11:22
Ծիծեռնակաբերդի խճուղու ճանապարհի հիմնական փլուզված հատվածը կառուցապատող «Սահակյան Շին» ՓԲ ընկերության կողմից ամբողջությամբ վերականգնվել է, և ներկայումս ապահովված է նշված ճանապարհի երկու երթևեկելի գոտիներով տրանսպորտային միջոցների անցանելիությունը։ Այս մասին գործակարգավարական նիստին ասաց քաղաքաշինության և հողի վերահսկողության վարչության պետի տեղակալ Ռուբեն Խոջոյանը։
«Միաժամանակ տեղեկացնում եմ, որ նշված ճանապարհի լիարժեք շահագործումը հնարավոր կլինի իրականացնել հարակից տարածքում ընթացող շինարարական աշխատանքներին զուգահեռ»,- նշեց պաշտոնյան։
Տիգրան Ավինյանն էլ հավելեց՝ փոքր հատված է մնացել։
«90 տոկոսով խնդրի լուծմանը մոտ ենք»,- նշեց քաղաքապետը։
Հավելենք, որ խճուղու հիմնական երթևեկելի հատվածը փլուզվել էր դեռ 2022 թվականի մայիսին։ Փլուզված ճանապարհահատվածի վերանորոգումն իրականացնում էր հարևանությամբ կառուցապատում իրականացնող «Սահակյանշին» ընկերությունը։
Մանրամասները՝ տեսանյութում։
Արփի Հակոբյան
