14.12.2024 | 12:12
Նավթի գներն աճել են
Իրանի դեմ ամերիկյան պատժամիջոցներն ուժի մեջ մտան
Քաղաքականություն
05.11.2018 | 11:54
Վաշինգտոնը վերականգնել է Թեհրանի դեմ պատժամիջոցները, որոնք գործում էին մինչև իրանական միջուկային համաձայնագրի ստորագրումը: Այս սահմափակումները հիմնականում կառնչվեն նավթի արտահանմանը: Այս մասին գրում է ՌԻԱ Նովոստին:
Ուրբաթ ԱՄՆ նախագահ Դոնալդ Թրամփը հայտարարել էր, որ սրանք ամենակոշտ պատժամիջոցներն են, որ Վաշինգտոնը երբևէ կիրառել է Թեհրանի դեմ: Նրա խոսքով՝ դրանք արդեն «կործանարար ազդեցություն են ունենում իրանական տնտեսության վրա». երկրի ազգային արժույթը մեկ տարվա ընթացքում 70 տոկոսով արժեզրկվել է, հոկտեմբերին գնաճը կազմել է 37 տոկոս:
ԱՄՆ պետքարտուղար Մայք Պոմպեոն իր հերթին հայտարարել է, որ պատժամիջոցների ցանկում ներառվել է ավելի քան 600 ընկերություն և անհատ: Ըստ նրա՝ սահմանափակումները պետք է «ազդեն իրանական ռեժիմի պահվածքի վրա»:
Իրանի իշխանությունները կտրուկ են արձագանքել նոր պատժամիջոցներին: Նախագահ Հասան Ռոհանին հայտարարել է, որ երկիրը կշարունակի նավթ վաճառել և Վաշինգտոնին «կստիպի ափսոսալ»:
Իրանի հոգևոր առաջնորդ այաթոլլա Ալի Խամենեին իր հերթին նշել է, որ պատժամիջոցների միջոցով ԱՄՆ-ն ցանկանում էր կաթվածահար անել երկրի տնտեսական աճը, սակայն միայն ամրապնդել է Թեհրանի ինքնաբավությունը:
