10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ուիթկոֆը հայտարարել է Բեռլինում Զելենսկիի հետ բանակցություններում «նշանակալի առաջընթացի» մասին
Քաղաքականություն
15.12.2025 | 13:49
ԱՄՆ նախագահի հատուկ բանագնաց Սթիվ Ուիթկոֆը կիրակի օրը Բեռլինում ուկրաինական պատվիրակության հետ հանդիպումից հետո հայտարարել է, որ «մեծ առաջընթաց» է գրանցվել, նշում է BBC-ի ռուսական ծառայությունը։
«[Կողմերի] ներկայացուցիչները խորը քննարկումներ են ունեցել 20 կետանոց խաղաղության ծրագրի, տնտեսական հարցերի և այլ թեմաների շուրջ։ Մեծ առաջընթաց է գրանցվել, և նրանք կրկին կհանդիպեն վաղը առավոտյան»,- գրել է նա X սոցիալական ցանցերում։
Խորհրդակցությունները կշարունակվեն երկուշաբթի՝ դեկտեմբերի 15-ին: Բանակցություններին կմիանան եվրոպական պետությունների և կառավարությունների ղեկավարները, ինչպես նաև ԵՄ և ՆԱՏՕ-ի ղեկավարները, հաղորդում է AFP-ն:
Ուկրաինայի նախագահ Վլադիմիր Զելենսկին, որը գլխավորում է Բեռլինում բանակցություններում ուկրաինական պատվիրակությունը, հանդիպումից առաջ հայտարարել էր, որ բանակցությունների հիմնական թեման պետք է լինի անվտանգության երաշխիքները։
Ամերիկյան կողմը հանդիպմանը ներկայացրել են Սթիվ Ուիթկոֆը և ԱՄՆ նախագահ Դոնալդ Թրամփի փեսան՝ Ջարեդ Քուշները։ Զելենսկիի հետ Բեռլինում հանդիպումից մի քանի օր առաջ Քուշները և Ուիթկոֆը մեկնել էին Մոսկվա՝ Ռուսաստանի նախագահ Վլադիմիր Պուտինի հետ բանակցությունների։
Թարգմանությունը՝ Էմմա Չոբանյանի
