29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Քաղաքականություն
14.12.2025 | 21:40
ԱՄՆ Ռոդ Այլենդ նահանգի Փրովիդենս քաղաքի Բրաունի համալսարանում կրակ բացելու մեջ կասկածվողը ձերբակալվել է։ «Արմենպրես»-ի փոխանցմամբ` այս մասին հայտնում է NBC 10 տեղական հեռուստաալիքը։
Առնվազն երկու ուսանող զոհվել է, ևս ինը վիրավորվել Բրաունի համալսարանում տեղի ունեցած կրակոցների հետևանքով։
Զինված անձը համալսարանի տարածք է մտել քննությունների ընթացքում։ Հրաձգությունը տեղի է ունեցել ճարտարագիտական ֆակուլտետի շենքի լսարանում։ Քննությունների ժամանակ շենքի դռները բաց են եղել։
Բրաունի համալսարանի նախագահ Քրիստինա Պաքսոնը լրագրողներին ասել է, որ զոհվածները ուսանողներ են։ Համալսարանի բժշկական կենտրոնը հայտնել է, որ ինը վիրավորներից յոթը գտնվում են ծանր վիճակում։
Կասկածյալը մոտ 30 տարեկան տղամարդ է։
ԱՄՆ նախագահ Դոնալդ Թրամփը Սպիտակ տանը լրագրողներին ասել է, որ իրեն տեղեկացրել են իրավիճակի մասին, որը նա անվանել է «սարսափելի»։ «Հիմա մենք կարող ենք միայն աղոթել զոհերի և ծանր վիրավորների համար», – ասել է նա։
Բրաունի համալսարանը ԱՄՆ ամենահեղինակավոր մասնավոր համալսարաններից մեկն է։ Այն Այվի լիգայի ուսումնական հաստատություն է՝ Հարվարդի, Եյլի և հինգ այլ համալսարանների հետ միասին։
