10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
Հասարակություն
14.12.2025 | 16:37
Ֆիշինգը թիվ 1 կիբեռսպառնալիքն է այսօր։ Այս մասին հայտնել է Բարձր տեխնոլոգիական արդյունաբերության նախարար Մխիթար Հայարապետյանը։
«Ի՞նչ է ֆիշինգը
Ֆիշինգը խաբեության տեսակ է, երբ զեղծարարները կեղծ նամակների, հաղորդագրությունների կամ կայքերի միջոցով փորձում են ձեզ ստիպել բացել հղում, ներբեռնել ֆայլ կամ տրամադրել գաղտնաբառեր ու անձնական տվյալներ։
Մի քանի մտահոգիչ փաստ
-Կիբեռհարձակումների 90%-ը ֆիշինգն է,
-Ամեն օր ուղարկվում է 3.4 միլիարդ ֆիշինգային նամակ,
-Կոտրված հաշիվների 90%-ը սկսվում է մեկ ֆիշինգային հղումից։
Համակարգչային խաղերի և թվային լուծումների աճին զուգընթաց երիտասարդներին թիրախավորող կիբեռհարձակումներն էապես աճել են։
Ինչպե՞ս պաշտպանվել
-Մի սեղմեք կասկածելի հղումների վրա
-Մի պատասխանեք անծանոթ էլեկտրոնային նամակներին
-Մինչ տվյալներ փոխանցելը ստուգեք անծանոթ ուղարկողի էլեկտրոնային հասցեն
-Երբեք մի փոխանցեք գաղտնաբառերը, այդ թվում՝ ձեր հարազատներին
-Բացի օգտանունից և գաղտնաբառից օգտագործեք առնվազն մեկ այլ նույնականացում
Տեղեկացված լինելը լավագույն պաշտպանությունն է»,-նշել է նա։
