18.12.2025 | 23:24
ՀՀ տարածքում ավտոճանապարհները հիմնականում անցանելի են
«Չենք ճանաչելու Ղրիմի անեքսիան». Էրդողանը՝ Ռուսաստանին
Քաղաքականություն
05.11.2018 | 11:15
Ստամբուլ մեկնած Ուկրաինայի նախագահ Պյոտր Պորոշենկոն հանդիպել է Թուրքիայի նախագահ Ռեջեփ Թայիփ Էրդողանի հետ. փոխանցում է ermenihaber-ը:
Նախագահները մասնակցել են թուրք-ուկրաինական բարձր մակարդակի ռազմավարական համագործակցության խորհրդի նիստին։ Նիստի ավարտից հետո կողմերը դրա արդյունքներն ամփոփող հայտարարություն են ստորագրել։
Հանդիպմանը հաջորդած մամուլի ասուլիսի ժամանակ նախագահները տեղեկացրել են, որ առանձին հանդիպման ժամանակ քննարկվել են տարբեր ոլորտներում (պաշտպանական, տնտեսական) թուրք-ուկրաինական հարաբերությունների ներկայիս իրավիճակը և դրանց հեռանկարները։
Էրդողանի խոսքերով՝ Թուրքիան անհանգստացած է Ուկրաինայի տարածքում դեռևս շարունակվող բախումներից։
Նա առիթը բաց չի թողել կրկնելու, որ Ղրիմի կցումը Ռուսաստանին, Թուրքիան որակում է որպես անեքսիա։
«Չենք ճանաչել և չենք էլ ճանաչի Ղրիմի անեքսիան»,- ասել է Էրդողանը, հավելելով,- «Թուրքիան կշարունակի պաշտպանել Ղրիմի թաթարների իրավունքները, որոնք Ղրիմի դեպքերից հետո ստիպված եղան թողնել իրենց տները և հեռանալ»։
