30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Բնակիչները ներխուժել են ջրաղբյուրի տարածք, մի շարք հասցեներում ջրամատակարարումը դադարեցվել է․ «Վեոլիա Ջուրը» ահազանգում է
Հասարակություն
12.12.2025 | 19:56
«Վեոլիա Ջուր» ընկերությունը տեղեկացնում է, որ Գեղարքունիքի մարզի Վարդենիս համայնքի Ակունք բնակավայրի բնակիչները դեկտեմբերի 11-ին ապօրինաբար ներխուժել են «Վեոլիա Ջուր» ընկերությանը պատկանող «Ակունք» ջրաղբյուրի տարածք և կատարել կամայական գործողություններ: Դրա հետևանքով երեկ Վարդենիս քաղաքի մի շարք փողոցներում դադարեցվել էր ջրամատակարարումը:
«Նմանատիպ գործողություն կատարվել է նաև այսօր՝ դեկտեմբերի 12-ին, որի հետևանքով ժամը 15:30-ից մինչ այժմ դադարեցված է Վարդենիս քաղաքի՝ Երիտասարդության, Հ. Արզոյան, Համբարձումյան, Ազգալդյան, Ռոմանի և Շահումյան փողոցների ջրամատակարարումը: Այս պահին ձեռնարկվում են համապատասխան միջոցառումներ խնդրի կարգավորման և ջրամատակարարման վերականգնման համար:
Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար»,- ասված է հաղորդագրությունում։
