12.01.2026 | 11:13
Ժամկետ ասեք, բոլորը լսում են. Ավինյանը` Աջափնյակի մետրոյի կառուցման մասին․ ՏԵՍԱՆՅՈՒԹ
Լրագրողները նույնականացրել են Ուկրաինայի դեմ պատերազմում զոհված ավելի քան 155,000 ռուս զինծառայողների անունները
Քաղաքականություն
12.12.2025 | 23:18
Ռուսաստանի կողմից Ուկրաինա լայնածավալ ներխուժման սկսվելուց ի վեր առաջնագծում զոհվել է առնվազն 155 368 ռուս զինծառայող։ BBC-ի ռուսական ծառայության և Mediazona-ի լրագրողները, կամավորների խմբի հետ միասին պարզել են զոհերի ինքնությունը, գրում է Current time-ը ։
Բոլոր մահացածների 1/3 կամավորներ են, որոնք պայմանագրեր էին կնքել ռուսական բանակի հետ 2022 թվականին պատերազմի սկսվելուց հետո: Հետազոտողները նշում են, որ ընդամենը մեկ տարի առաջ այս կատեգորիան կազմում էր մահացածների միայն 15%-ը: Լրագրողները այս կատեգորիայի զոհերի թվի աճը բացատրում են նրանով, որ կամավորներն այժմ տեղակայվում են ռազմաճակատի ամենադժվար հատվածներում, հիմնականում՝ Դոնեցկի մարզում:
Բոլոր մահացածների 13%-ը դատապարտյալներ են, որոնք ռազմաճակատ են ուղարկվել ուղղիչ գաղութներից և նախնական կալանքի կենտրոններից, իսկ 11%-ը՝ մոբիլիզացվածներն են:
Բաշկորտոստանը և Թաթարստանը առաջատար են հաստատված զոհերի բացարձակ թվով։
Հետազոտողները զոհերի ցուցակները կազմում են բաց աղբյուրների հաղորդագրությունների հիման վրա՝ լրատվամիջոցների հաղորդագրություններ, տեղական ինքնակառավարման մարմինների հայտարարություններ, հարազատների սոցիալական ցանցերի գրառումներ և գերեզմանատների տվյալներ։ Լրագրողների կարծիքով՝ ռուսական կողմի իրական մահացածների թիվը կարող է լինել 239 000-ից 345 000։
Ո՛չ Մոսկվան, ո՛չ Կիևը չեն բացահայտում պատերազմում իրենց կորուստների թիվը՝ հաղորդելով միայն հակառակորդի կորուստների մասին։
Թարգմանությունը՝ Էմմա Չոբանյանի
