30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Էրդողանը և Պուտինը քննարկել են նաև Հարավային Կովկասում խաղաղության գործընթացը
Քաղաքականություն
12.12.2025 | 20:22
Թուրքմենստանում «Միջազգային խաղաղության և անվտանգության ֆորումի» շրջանակներում Թուրքմենստանում գտնվող նախագահ Ռեջեփ Թայիփ Էրդողանը հանդիպում է ունեցել Ռուսաստանի նախագահ Վլադիմիր Պուտինի հետ։
Թուրքիայի նախագահականի հաղորդակցության վարչության հաղորդմամբ՝ հանդիպման ընթացքում քննարկվել են Թուրքիայի և Ռուսաստանի միջև երկկողմ հարաբերությունները, Ուկրաինա-Ռուսաստան հակամարտության կարգավորման համապարփակ խաղաղության ջանքերը, և վերահաստատվել է Թուրքիայի աջակցությունը խաղաղության ջանքերին։ Ավելին, մանրամասն քննարկվել են բոլոր հարցերը, այդ թվում՝ ԵՄ-ի կողմից ռուսական միջոցների սառեցումը։
Էրդողանը նշել է, որ Ուկրաինա-Ռուսաստան պատերազմը արդար և երկարատև խաղաղությամբ ավարտելու ջանքերը արժեքավոր են։ Նա նաև նշել է, որ ուշադիր հետևում են պատերազմի դադարեցմանն ուղղված բանակցային գործընթացին, և որ Թուրքիան կարող է հյուրընկալել բանակցություններ բոլոր ձևաչափերով այս շրջանակներում։
Հանդիպման ընթացքում քննարկվել են նաև Պաղեստինում և Սիրիայում վերջին զարգացումները, ինչպես նաև Հարավային Կովկասում խաղաղության գործընթացը։ Ըստ ռուսական լրատվամիջոցների՝ Պուտինի և Էրդողանի բանակցությունները տևել են մոտ 40 րոպե։
Ավելի վաղ Ռուսաստանի նախագահի մամուլի քարտուղար Դմիտրի Պեսկովը հայտնել էր, որ Ռուսաստանի և Թուրքիայի նախագահները Թուրքմենստանում կայացած բանակցությունների ժամանակ մանրամասն քննարկել են ուկրաինական կարգավորման հարցը։
«Կայացել է ուկրաինական հարցերի վերաբերյալ մտքերի մանրամասն փոխանակում», – բանակցություններից հետո լրագրողներին ասել էր Պեսկովը։
Նա նշել էր, որ պետությունների ղեկավարները քննարկել են նաև տարածաշրջանային և միջազգային հարցեր։
Պեսկովը հայտարարել էր, որ նրանք նաև մտքեր են փոխանակել ռուսական ակտիվներով «մեծածավալ խարդախություն» կատարելու եվրոպական մտադրությունների վերաբերյալ։
Թարգմանությունը`Էմմա Չոբանյանի
