10.07.2026 | 02:01
ԱԱ-2026․ Ֆրանսիան դուրս եկավ կիսաեզրափակիչ․ ՏԵՍԱՆՅՈՒԹ
ՀՀ դեսպանը բարձր է գնահատել Ավստրիայի աջակցությունը Հայաստանում իրականացվող ժողովրդավարական բարեփոխումներին
Քաղաքականություն
12.12.2025 | 18:26
Ավստրիայում Հայաստանի Հանրապետության դեսպան Անդրանիկ Հովհաննիսյանը հանդիպում է ունեցել Ավստրիայի խորհրդարանի Ավստրիա-Հայաստան բարեկամական խմբի պատգամավորների հետ:
ՀՀ դեսպանության տարածած հաղորդագրության մեջ նշվում է, որ ՀՀ դեսպան Անդրանիկ Հովհաննիսյանը կարևորել է միջխորհրդարանական կապերի ակտիվացումը և համոզմունք հայտնել, որ բարեկամական խումբը իր նպաստը կբերի Հայաստանի և Ավստրիայի միջև հարաբերությունների խորացմանը, երկկողմ օրակարգի առաջմղմանն ու ընդլայնմանը:
Այս համատեքստում երկուստեք կարևորվել է երկու երկրների խորհրդարանական բարեկամական խմբերի փոխադարձ այցելությունների կազմակերպումը։
ՀՀ դեսպանը բարձր է գնահատել ավստրիական կողմի աջակցությունը Հայաստանում իրականացվող ժողովրդավարական բարեփոխումներին, ինչպես նաև ՀՀ-ԵՄ գործընկերության ամրապնդմանը:
«Պատգամավորների խնդրանքով՝ դեսպան Հովհաննիսյանը ներկայացրել է ՀՀ խաղաղության օրակարգը, անդրադարձել է հաղորդակցային ուղիների ապաշրջափակմանը` կարևորելով ՀՀ կառավարության «Խաղաղության խաչմերուկ» ծրագիրը և «Թրամփի ուղի՝ հանուն միջազգային խաղաղության և բարգավաճման» նախաձեռնությունը»,-ասված է հաղորդագրության մեջ:
ՀՀ դեսպանը զրուցակիցներին մանրամասներ է ներկայացրել նաև ՀՀ արտաքին քաղաքականության այլ գերակայությունների և Հայաստան-ԵՄ գործընկերության խորացման ուղղությամբ իրականացվող քայլերի վերաբերյալ:
