29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Շառա Բուլետի արձագանքն Արման Ծառուկյանի հետ մենամարտին
12.12.2025 | 18:09
UFC-ի մարտիկ Շառա Բուլետն (Շարաբուտդին Մագոմեդով) անդրադարձել է UFC-ի թեթև քաշային կարգի դասակարգման առաջատար Արման Ծառուկյանի հետ մենամարտին։ Դեկտեմբերի 30-ին Երևանի Կարեն Դեմիրճյանի անվան Մարզահամերգային համալիրում կայանալիք Hype Fighting լիգայի մրցաշարում մարտիկները մրցելու են գրեփլինգի կանոններով։
«Ես մտածում էի, թե դա թիավարության (ռուսերեն՝ греблинг) մրցաշար է, որտեղ ծովահենները մրցակցությունից դուրս են։ Սակայն ինձ ասացին, որ սա գրեփլինգ է։ Ծովահենը կարող է սուզվել ամենամութ ջրերը՝ կորած ոսկու հետևից, բայց դրա համար նախ պետք է հաղթահարի շնաձկան տեսքով Արմանի արգելքը»,- սոցցանցերում գրել է Շառա Բուլետը։
UFC-ում ռուսաստանցի մարտիկը հանդես է գալիս միջին քաշային կարգում և համարվում է հարվածային մարտիկ։ 31-ամյա Բուլետը խառը մենամարտերում ունի 16 հաղթանակ ու 1 պարտություն։
29-ամյա Ծառուկյանը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
