10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ուկրաինայի ԶՈՒ-ն հայտարարել է, որ Կասպից ծովում հարձակվել է զենք տեղափոխող ռուսական 2 նավի վրա
Քաղաքականություն
12.12.2025 | 17:50
Ուկրաինայի զինված ուժերի Հատուկ գործողությունների ուժերը հայտարարել են Կասպից ծովում «Կոմպոզիտոր Ռախմանինով» նավի և «Ասկար-Սարիջա» բեռնատար նավի վրա հարձակման մասին, գրում է Current time-ը։
Նշվում է, որ գործողությունն իրականացվել է «Черная Искра» շարժման հետ համատեղ:
«Ապստամբական շարժման ներկայացուցիչները մանրամասն տեղեկություններ են տրամադրել նավերի երթուղու և բեռի մասին», – հայտարարել են ուկրաինացի զինվորականները։
Մամուլի հաղորդագրության մեջ նշվում է, որ նրանք «տեղափոխում էին ռազմական տեխնիկա և զենք»: Ըստ տեղեկությունների՝ «Կոմպոզիտոր Ռախմանինովը» և «Ասկար-Սարիջան» օգտագործվում են ռազմական նպատակներով և գտնվում են ԱՄՆ պատժամիջոցների տակ՝ Իրանի և Ռուսաստանի միջև ռազմական բեռների տեղափոխման գործում իրենց մասնակցության համար։
Ռուսաստանը դեռևս չի մեկնաբանել Հատուկ գործողությունների ուժերի տարածած տեղեկությունը:
Ավելի վաղ ուկրաինական լրատվամիջոցները և Astra-ն, հղում անելով աղբյուրներին, հաղորդել էին, որ Ուկրաինայի անվտանգության ծառայության «Ալֆա» հատուկ գործողությունների կենտրոնի կողմից Կասպից ծովում գտնվող «Լուկоյլ» նավթային հարթակի վրա հարձակում է իրականացվել: Հարձակման հետևանքով ավելի քան 20 հորատանցքից դադարեցվել է նավթի և գազի արդյունահանումը, և հարթակի գործունեությունը կասեցվել է:
Թարգմանությունը` Էմմա Չոբանյանի
