16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Ադրբեջանի պատվիրակությունը ստուգում է անցկացրել Սոթքի հանքավայրի ադրբեջանական հատվածում
Քաղաքականություն
12.12.2025 | 22:31
Ադրբեջանական պատվիրակությունը ստուգում է անցկացրել Սոթքի ոսկու հանքում։ Ադրբեջանական Report-ը գրում է՝ «Հայաստանն այժմ այնտեղ որևէ հանքարդյունաբերական կամ շահագործման աշխատանք չի իրականացնում»։
Ըստ լրատվամիջոցի՝ ադրբեջանական կողմը նախկինում մտահոգություն էր հայտնել Հայաստանի կողմից հանքում հանքարդյունաբերական գործունեության հնարավոր շարունակման վերաբերյալ։ Ստուգման արդյունքում պարզվել է, որ Հայաստանը հանքում որևէ աշխատանք չի իրականացնում, և «նախկին մտահոգությունները վերացել են»։
Report-ը հիշեցնում է, որ նոյեմբերի 28-ին Գաբալայում տեղի է ունեցել Ադրբեջանի և Հայաստանի սահմանազատման հանձնաժողովների 12-րդ նիստը՝ փոխվարչապետեր Շահին Մուստաֆաևի և Մհեր Գրիգորյանի նախագահությամբ։ Ըստ նրա՝ կողմերը պայմանավորվել են կազմակերպել Սոթքի ոսկու հանքի ստուգում։
Նշվում է, թե Ադրբեջանն այժմ այնտեղ ստեղծում է տրանսպորտային և լոգիստիկ ենթակառուցվածքներ, և աշխատանքների ավարտից հետո հանքավայրի ադրբեջանի տարածքում գտնվող հատվածը կշահագործի AzerGold-ը։
Թարգմանությունը՝ Էմմա Չոբանյանի
