30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Պուտինին կալանավորելու օրդեր տված Միջազգային քրեական դատարանի դատախազին և դատավորներին ՌԴ-ում հեռակա դատապարտել են
Քաղաքականություն
13.12.2025 | 09:46
Մոսկվայի քաղաքային դատարանը Միջազգային քրեական դատարանի (ՄՔԴ) դատախազին և ութ դատավորներին հեռակա կարգով դատապարտել է Ռուսաստանի քաղաքացիների նկատմամբ «անօրինական հետապնդման համար»։ Այս մասին հաղորդում է Ռուսաստանի գլխավոր դատախազությունը, գրում է Meduza-ն։
ՄՔԴ դատախազ Քարիմ Խանը մեղավոր է ճանաչվել «Ռուսաստանի քաղաքացիների նկատմամբ գիտակցաբար անօրինական կալանավորման օրդերներ» տալու հրաման տալու մեջ։ Նա դատապարտվել է 15 տարվա ազատազրկման, որից առաջին ինը տարիները նա պետք է կրի բանտում, իսկ պատժի մնացած մասը՝ խիստ ռեժիմի ուղղիչ գաղութում։
Գործով մյուս մեղադրյալները հեռակա կարգով դատապարտվել են երեքուկեսից մինչև տասնհինգ տարի ազատազրկման։
ՌԴ Քննչական կոմիտեն նրանց անուններն է հրապարակել՝ Միջազգային քրեական դատարանի դատավորներ Տոմոկո Ականե, Ռոսարիո Սալվատորե Այտալա, Սերխիո Ջերարդո Ուգալդե Գոդինես և Հայկել Բեն Մահֆուդ, ինչպես նաև Միջազգային քրեական դատարանի նախագահ Պյոտր Յոզեֆ Հոֆմանսկի և նրա տեղակալներ Կարանզա Լուս դել Կարմեն Իբանես, Բերտրամ Շմիթ և Ռենե Ադելաիդա Սոֆի Ալապինի-Գանսու։
Հիշեցնենք՝ 2023 թվականի մարտին Հաագայի Միջազգային քրեական դատարանը (ՄՔԴ) Ռուսաստանի նախագահ Վլադիմիր Պուտինի և Երեխաների իրավունքների պաշտպան Մարիա Լվովա-Բելովայի կալանքի օրդերներ էր տվել ։
Նրանք կասկածվում են Ռուսաստանի կողմից օկուպացված Ուկրաինայի տարածքներից երեխաներին ՌԴ անօրինական կերպով արտաքսելու մեջ։ Ի պատասխան՝ Ռուսաստանի քննչական կոմիտեն քրեական գործ էր հարուցել ՄՔԴ-ի դատավորների դեմ, որոնք ձերբակալման օրդերներ էին տվել։
Թարգմանությունը` Էմմա Չոբանյանի
