19.08.2026 | 09:33
ՀՀ տարածքում ավտոճանապարհներն անցանելի են
Ջասթին Գեյջին մերժել է Արման Ծառուկյանի առաջարկը
12.12.2025 | 15:31
UFC-ի մարտիկ Ջասթին Գեյջին պատասխանել է թեթև քաշային կարգի դասակարգման առաջատար Արման Ծառուկյանի առաջարկին։ Ավելի վաղ հայ մարտիկը նշել էր, որ պատրաստ է օգնել ամերիկացի մարտիկին բրիտանացի Փեդի Փիմբլեթի դեմ մենամարտի նախապատրաստական փուլի ընթացքում։
«Կարծում եմ՝ դա ավելի շատ Փեդիին հակազդել փորձելու քայլ էր, քան՝ ինձ օգնելու։ Ես չեմ պատրաստվում արմատապես փոխել իմ մարզումային ծրագիրն այս մենամարտին պատրաստվելիս։ Ես վստահում եմ իմ թիմին։ Կարող եմ հրավիրել մարզումային մրցակիցների, բայց չեմ պատրաստվում ներգրավել մարդկանց, որոնց դեմ գուցե ապագայում պետք լինի մենամարտել։ Ծառուկյանը հիանալի սպարինգ-մրցակից կլիներ, բայց վերջիվերջո կարող է պատահել, որ մենք հանդիպենք օկտագոնում։ Այնպես որ կարծում եմ՝ դա այնքան էլ խելամիտ չի լինի»,- ասել է Ջասթին Գեյջին Submission Radio-ի հետ հարցազրույցում։
Ջասթին Գեյջին ու Փեդի Փիմբլեթը UFC-ի թեթև քաշային կարգի ժամանակավոր չեմպիոնի տիտղոսի համար կմենամարտեն հունվարի 25-ին Լաս Վեգասում։ Ավելի վաղ գործող չեմպիոն Իլյա Տոպուրիան հայտարարել էր, որ մինչև գարուն չի մենամարտելու ընտանեկան խնդիրների պատճառով։
Հիշեցնենք, որ 29-ամյա Ծառուկյանը UFC-ում նախորդ մենամարտն անցկացրել է նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Խառը մենամարտերում հայ մարտիկը մասնակցել է 26 հանդիպման, տարել 23 հաղթանակ ու կրել 3 պարտություն։
