01.02.2026 | 21:17
Փակ են Ամբերդ ամրոց և Քարի լիճ տանող ավտոճանապարհները
Թուրքիայի ՊՆ ղեկավարը հայտարարել է, որ գոհունակությամբ են հետևում Ադրբեջանի և Հայաստանի միջև դրական զարգացումներին
12.12.2025 | 13:07
Թուրքիայի պաշտպանության նախարար Յաշար Գյուլերը, 2026 թվականի բյուջեի վերաբերյալ Ազգային մեծ ժողովում իր ելույթում, նշել է, որ իր ղեկավարած գերատեսչության իրականացրած աշխատանքը երկրի պաշտպանական և անվտանգության ճարտարապետության ներկան և ապագան ձևավորող ռազմավարական քաղաքականության, պետության գոյատևման բոլոր սպառնալիքներին դիմակայելու վճռականության և ազգի առջև ստանձնած պատասխանատվության հզոր ցուցիչ է։
Իր ելույթում նա անդրադարձել է նաև Հայաստանի ու Ադրբեջանի միջև խաղաղության գործընթացին։
Գյուլերը նշել է, որ գոհունակությամբ են հետևում Ադրբեջանի և Հայաստանի միջև դրական զարգացումներին։
«Որպես Թուրքիա, մենք աջակցում ենք գործընթացը այնպիսի ձևով ավարտելու ջանքերին, որը կծառայի տարածաշրջանի բոլոր երկրների խաղաղությանն ու բարգավաճմանը, և հայտարարում ենք, որ պատրաստ ենք ամեն կերպ նպաստել այս հարցում», – հայտարարել է Թուրքիայի պաշտպանության նախարարը։
Թարգմանությունը`Էմմա Չոբանյանի
