30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
«Աշխատավարձից պահումը կազմելու է ընդամենը 300 դրամ»․ նախարարը ներկայացրել է ապահովագրավճարի վճարման սխեման
Հասարակություն
11.12.2025 | 23:14
«Ուզում եմ ներկայացնել հունվարի մեկից երկու հարյուր հազար մեկից հինգ հարյուր հազար դրամ աշխատավարձ ստացողների համար ապահովագրավճարի վճարման սխեման»,-նման տեսանյութ է տարածել առողջապահության նախարար Անահիտ Ավանեսյանը։
«Եթե ձեր աշխատավարձը, հարկերը մեջը, ժողովրդի լեզվով ասած՝ կեղտոտ աշխատավարձը, կազմում է 200,001-ից 500,000 դրամ, ապա, ընդհանուր կանոնին համաձայն, ձեր ապահովագրավճարը 10,800 դրամ է։ Բայց 2026 թվականի համար պետությունը այս 10,800 դրամից 6,000 դրամը վճարելու է ձեր փոխարեն պետական բյուջեի միջոցների հաշվին։
10,800 դրամից հանում ենք 6,000 դրամ, ստանում ենք, որ ձեր ամսական ապահովագրավճարը կազմելու է 4,800 դրամ։ Այս 4,800 դրամը ձեր գործատուն, հարկային գործակալը, պետք է վճարի առողջության ապահովագրության համար։ Բայց այստեղ էլ, տեսե՛ք, 4,500 դրամ դուք ունեք զինապահի խնայողություն։ Հիշում ենք, որ 2026 թվականից այս սանդղակի աշխատավարձ ստացող անձանց համար զինապահի դրոշմանիշային գումարը 5,500-ից իջնում է ընդամենը 1000 դրամ։ Եվ մնացած այդ 4,500 դրամը ձեր գործատուն ուղղելու է առողջության ապահովագրությանը։
Տակը մնում է ընդամենը 300 դրամ։ Այս 300 դրամը գանձվելու է, պահվելու է, այսինքն, ձեր աշխատավարձից և վճարվելու է ևս առողջության ապահովագրության համար։ Հարգելի՛ քաղաքացիներ, սա նշանակում է, որ դուք հունվար ամսին պետք է վճարեք 4,800 դրամ առողջության ապահովագրության համար։ Եվ 6,000 դրամ էլ ձեր համար հունվար ամսին պետությունը կվճարի հավելյալ մասը։ Ձեր անհատական աշխատավարձից պահումը կազմելու է ընդամենը 300 դրամ»,-նշել է նա։
