22.02.2026 | 12:02
ԱՄՆ-ը հոսպիտալային նավ է ուղարկել Գրենլանդիայի ափերի մոտ․ Թրամփ
Հայաստանը մնում է ՀԱՊԿ-ի լիիրավ անդամ. Զախարովա
11.12.2025 | 20:42
ՌԴ ԱԳՆ պաշտոնական ներկայացուցիչ Մարիա Զախարովան այսօրվա ճեպազրույցում անդրադարձել է Հայաստանի կողմից ՀԱՊԿ-ում անդամակցության սառեցմանը։
«Հայաստանը մնում է ՀԱՊԿ-ի լիիրավ անդամ՝ պահպանելով բոլոր համապատասխան իրավունքներն ու պարտականությունները։ Կազմակերպության գործընկերների կողմից ակտիվ, բնականոն և լիարժեք աշխատանքի վերսկսման համար որևէ խոչընդոտ չկա»,- ասել է Զախարովան։
Նա նշել է, որ տեսել և շարունակում են տեսնել հայտարարություններ, որ ՀԱՊԿ-ը, իբր, դուրս եկավ Հայաստանից, ապա Հայաստանը դուրս եկավ ՀԱՊԿ-ից։ Ըստ նրա՝ նմանատիպ հայտարարություններ են անում նաև Հայաստանի ղեկավարությունը, առանձին ներկայացուցիչներ։ Սակայն Հայաստանը մնում է ՀԱՊԿ-ի անդամ ու դուրս չի եկել։
Կազմակերպությանը Հայաստանի մասնակցությունը սառեցնելու վերաբերյալ Զախարովան հայտարարել է, որ կազմակերպության իրավական շրջանակներում նման ձև նախատեսված չէ։ Կանոնադրության համաձայն՝ անդամ պետությունն իրավունք ունի դուրս գալ ՀԱՊԿ-ից միայն սահմանված ընթացակարգով։
«Պետության կողմից կազմակերպության շրջանակներում իր պարտավորությունները չկատարելու դեպքում, մասնավորապես, եթե այն երկու տարի ժամկետով պարտք ունի ՀԱՊԿ բյուջեի նկատմամբ, այն կարող է ենթարկվել այդ պետության քաղաքացիների ՀԱՊԿ-ում քվոտային պաշտոններ առաջադրելու իրավունքի կասեցման, ինչպես նաև կազմակերպության մարմիններում քվեարկելու իրավունքից զրկման մինչև պարտքի լրիվ մարումը»,- ասել է ՌԴ ԱԳՆ պաշտոնական ներկայացուցիչը։
Թարգմանությունը՝ Էմմա Չոբանյանի
