10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ուկրաինայում պաշտպանության ոլորտում 2,4 միլիոն դոլարի հափշտակություն է բացահայտվել
Քաղաքականություն
11.12.2025 | 18:24
Ուկրաինայի հակակոռուպցիոն մարմինները հինգշաբթի հայտարարել են, որ բացահայտել են ռազմական պայմանագրի հետ կապված բազմամիլիոն դոլարների հափշտակության սխեմա, որը կնքվել է դեռևս 2022 թվականին՝ պատերազմի հենց սկզբում, գրում է BBC-ի ռուսական ծառայությունը։
Ուկրաինայի Կոռուպցիայի դեմ պայքարի ազգային բյուրոն (NABU) հայտարարել է, որ Կոռուպցիայի դեմ պայքարի մասնագիտացված դատախազության (SAPO) և Ուկրաինայի անվտանգության ծառայության հետ համատեղ պաշտոնական մեղադրանք են առաջադրել պետական ձեռնարկության երկու նախկին ղեկավարների և մասնավոր ընկերության տնօրենի։
Հետաքննության տվյալներով՝ 2022 թվականի ապրիլին Պաշտպանության նախարարությունը պայմանագիր է կնքել այս պետական ձեռնարկության հետ՝ տանկերի համար դինամիկ զրահապատ բաղադրիչների անհապաղ ձեռքբերման համար։ Պետական ձեռնարկության ղեկավարները, մասնավոր գործընկերության տնօրենի հետ համաձայնության գալով, այս բաղադրիչները ձեռք են բերել սպասվածից գրեթե երեք անգամ ավելի բարձր գնով՝ այդպիսով յուրացնելով 102 միլիոն գրիվնա (ավելի քան 2,4 միլիոն դոլար՝ ներկայիս փոխարժեքով)։
Մամուլի հաղորդագրության մեջ չի նշվում անձանց կամ ընկերությունների անունները, սակայն տրամադրված են մեղադրյալներից մեկի հետ կապված գործերի հղումներ, որոնք ցույց են տալիս, որ խոսքը Պավլոգրադի քիմիական գործարանի ղեկավարության մասին է։
Թարգմանությունը՝ Էմմա Չոբանյանի
