01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Ինչ է տանում օպերլիազորը ներկայացուցչությունից. նա հարվածում է Factor TV-ի տեսախցիկին․ ՏԵՍԱՆՅՈՒԹ
Հասարակություն
11.12.2025 | 16:51
Արցախի ներկայացուցչությունում իրականացված քննչական գործողություններից հետո շենքից դուրս եկած աշխատակիցն իր հետ կարմիր փաթեթ էր տանում։ Factor TV-ն նրանից հետաքրքրվեց, թե ինչ կա փաթեթում։
Հարցը դեռ չավարտած աշխատակիցը հարվածեց մեր տեսախցիկին։ «Ինչպե՞ս եք Ձեզ պահում» հարցին նա պատասխանեց՝ «սովորական»։
Մեր դիտարկմանը, որ օրենսդրությամբ արգելված է խոչընդոտել լրագրողի աշխատանքը և դա քրեորեն պատժելի արարք է, արձագանքեց․
«Կլինի՞ հեռու էթաս ինձանից»։
Ներկայացուցչության շենքում քննչական գործողություններ էր իրականացնում Քննչական կոմիտեն։ Կառույցի խոսնակ Կիմա Ավդալյանը Factor TV-ին հայտնեց, որ անձը վարույթին օժանդակող աշխատակից է, ոչ թե ՔԿ ծառայող։ Թե որ մարմնի աշխատակից է, ՔԿ-ից չպարզաբանեցին։
Հակակոռուպցիոն կոմիտեից և ՆԳ նախարարությունից Factor TV-ին փոխանցեցին, որ անձն իրենց աշխատակիցը չէ։ Մեր տեղեկություններով՝ նա համակարգչային մասնագետ է, որը քրեական վարույթի շրջանակում ներգրավվել է այլ մարմնից։
Մանրամասները՝ տեսանյութում։
Արփի Հակոբյան
