19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Պերմի համալսարանում պայթյունի հետևանքով երկու մարդ է զոհվել
Քաղաքականություն
11.12.2025 | 13:54
ՌԴ Պերմի ազգային հետազոտական պոլիտեխնիկական համալսարանի լաբորատորիայում պայթյուն է տեղի ունեցել հիդրոդինամիկական սարքի ապաճնշումից հետո։ Երկու զոհ կա՝ մեկ տղամարդ և 8-ամյա աղջիկ, գրում է Meduza-ն։
Պերմի երկրամասի քննչական կոմիտեն հայտնել է, որ «համալսարաններից մեկում տեղի ունեցած միջադեպի» հետևանքով նաև երկու վիրավոր կա։ Պերմի երկրամասի տարածքային անվտանգության նախարարի պաշտոնակատար Ալբերտ Մարդանովն էլ հայտնել է երեք վիրավորի մասին։ Քննչական կոմիտեն քրեական գործ է հարուցել անզգուշությամբ մահ պատճառելու հոդվածով (Քրեական օրենսգրքի 109-րդ հոդվածի 3-րդ մաս)։
Shot տելեգրամ ալիքը հաղորդում է, որ Պերմի պոլիտեխնիկական համալսարանում փորձարկվող համակարգը մշակած գործարանի տնօրենը և նրա դուստրն են մահացել: Պայթյունը տեղի է ունեցել համալսարանի աերոտիեզերական ֆակուլտետի շենքում, որի լաբորատորիան օգտագործվում էր փորձարկումների համար:
Թարգմանությունը՝ Էմմա Չոբանյանի
