01.02.2026 | 15:01
Ձնախառն անձրև, բուք, ցածր հորիզոնական տեսանելիություն․ առաջիկա 5 օրերի եղանակային կանխատեսումը
Ուկրաինան առաջին անգամ ԱԹՍ-ով հարվածել է Կասպից ծովում ռուսական նավթային հարթակին
Քաղաքականություն
11.12.2025 | 14:20
Ուկրաինայի անվտանգության ծառայությունը (ՈւԱԾ) հայտարարել է, որ իր հեռահար անօդաչու թռչող սարքերը հարձակվել են Կասպից ծովում գտնվող ռուսական նավթային հարթակի վրա։ Այս մասին BBC-ի ուկրաինական ծառայությանը հայտնել է անվտանգության ծառայության աղբյուրը։
Նշվում է, որ ՈւԱԾ-ի «Ալֆա» հատուկ գործողությունների կենտրոնի հեռահար անօդաչու թռչող սարքերը հարվածել են «Լուկоյլ-Նիժնևոլժսկնեֆտ»-ին պատկանող «Ֆիլանովսկի» նավթային հարթակին։
«Գրանցվել է առնվազն չորս հարված ծովային հարթակի վրա։ Հարձակումը դադարեցրել է նավթի և գազի արդյունահանումը ավելի քան 20 հորատանցքերից, որոնք այն սպասարկում է»,- հայտարարել է Ուկրաինայի անվտանգության ծառայությունը։
Սա Ուկրաինայի առաջին հարվածն է Կասպից ծովում նավթի արդյունահանման հետ կապված ռուսական ենթակառուցվածքներին։
Ռուսաստանի իշխանությունները դեռևս չեն մեկնաբանել այս հայտարարությունները։
Թարգմանությունը՝ Էմմա Չոբանյանի
