29.07.2026 | 11:28
ՌԴ-ն Պավել Դուրովին մեղադրում է ահաբեկչությանը նպաստելու մեջ․ նրա նկատմամբ միջազգային հետախուզում կհայտարարվի
Վահան Բիչախչյան․ Հուսով եմ՝ «Նոայի» դեմ խաղով վերջ կդնենք մեր անհաջող փուլին
11.12.2025 | 11:19
Լեհական «Լեգիայի» և Հայաստանի ազգային հավաքականի կիսապաշտպան Վահան Բիչախչյանը խոսել է Հայաստանի չեմպիոն ու գավաթակիր «Նոայի» դեմ Կոնֆերենցիաների լիգայի 5-րդ տուրի հանդիպման սպասելիքներից։
«Միշտ լավ տպավորություններով եմ վերադառնում տուն ու հայրենիք։ Սա իմ առաջին հանդիպումն է հայկական թիմի դեմ։ Ուրախ եմ, որ կա այսպիսի առիթ։ Ինձ լավ եմ զգում, վնասվածքից հետո ամեն ինչ նորմալ է։ Լիովին պատրաստ եմ, մարզավիճակս գնահատում եմ լավ։
Դիտել ենք «Նոայի» խաղերը, վերլուծել ենք մրցակցին։ Որակյան թիմ է, որն ունի շատ լավ ֆուտբոլիստներ։ Միանշանակ կարող եմ ասել, որ հեշտ հանդիպում չի սպասվում։ Երկու թիմերի համար էլ բարդ իրավիճակ է, բայց այստեղ ենք եկել հաղթելու համար։ Հուսով եմ՝ այս խաղով վերջ կդնենք մեր անհաջող փուլին և կսկսենք առաջ շարժվել»,- նախախաղային ասուլիսում նշել է Վահան Բիչախչյանը։
«Նոա» – «Լեգիա» հանդիպումը կկայանա դեկտեմբերի 11-ին Վազգեն Սարգսյանի անվան «Հանրապետական» ստադիոնում ու կմեկնարկի ժամը 21։45-ին։ 4 խաղից հետո երևանյան ակումբն ունի 5 միավոր և 23-րդ տեղում է։ «Լեգիան» 3 միավորով 28-րդն է։ Կոնֆերենցիաների լիգայում փլեյ-օֆֆի ուղեգիր են նվաճում 1-24-րդ տեղ գրաված թիմերը։
