30.10.2026 | 20:47
Դաժան սպանությունից ուղիղ 12 տարի է անցել․ մեղավորներն ազատության մեջ են, վաղեմության ժամկետը՝ մոտ․ ՏԵՍԱՆՅՈՒԹ
ՌԴ շրջանների վրա խոցվել է մոտ 300 ուկրաինական ԱԹՍ. Մոսկվայի օդանավակայանները յոթ ժամով դադարեցրել են թռիչքները. ՏԵՍԱՆՅՈՒԹ
Քաղաքականություն
11.12.2025 | 11:55
Դեկտեմբերի 10-ի երեկոյից ի վեր ՀՕՊ ուժերը խոցել են ՌԴ մայրաքաղաք թռչող 32 անօդաչու թռչող սարք, հայտարարել է Մոսկվայի քաղաքապետ Սերգեյ Սոբյանինը, գրում է Meduza-ն։
Նա չի մանրամասնել հարձակումների հետևանքները՝ նշելով միայն, որ «արտակարգ ծառայություններն աշխատում են բեկորների ընկնելու վայրերում»։ Mash Telegram ալիքը, հղում անելով տեղի բնակիչներին, հաղորդել է Զելենոգրադում, Ռամենսկոյեում, Դուբնայում և Սերգիև Պոսադում տեղի ունեցած պայթյունների մասին։
Ռոսավիացիայի տվյալներով՝ Մոսկվայի Դոմոդեդովո, Շերեմետևո, Վնուկովո և Ժուկովսկի օդանավակայանները յոթ ժամից ավելի փակ են եղել չվերթների համար՝ անօդաչուների հարձակումների պատճառով։ Հաղորդվում է, որ, ընդհանուր առմամբ, 133 չվերթներ չեղարկվել, հետաձգվել կամ վերահասցեագրվել են այլ օդանավակայաններ։
Shot Telegram ալիքի տվյալներով՝ գիշերը Վելիկի Նովգորոդում նաև պայթյուններ են տեղի ունեցել, որոնց հաջորդել է հրդեհ շրջաններից մեկում։ Astra-ն հայտնել է «Ակրոն» հանքային պարարտանյութերի գործարանի վրա անօդաչու սարքի հարձակման մասին։
Իվանովոյի, Տամբովի, Յարոսլավլի, Վլադիկավկազի, Գրոզնիի, Մագասի, Մախաչկալայի և Կալուգայի օդանավակայաններում սահմանափակումներ են մտցվել։
Ռուսաստանի Պաշտպանության նախարարությունը հայտնել է, որ դեկտեմբերի լույս 11-ի գիշերը Ռուսաստանի մարզերի վրա խոցվել է 287 ուկրաինական անօդաչու թռչող սարք։ Դրանցից 118 անօդաչու թռչող սարք խոցվել է Բրյանսկի մարզի, 40-ական՝ Կալուգայի և Մոսկվայի մարզերի, 27-ական՝ Տուլայի, 19-ական՝ Նովգորոդի, 11-ական՝ Յարոսլավլի, 10-ական՝ Լիպեցկի, վեց՝ Սմոլենսկի, հինգական՝ Կուրսկի և Օրյոլի մարզերի, չորսը՝ Վորոնեժի և երկուսը՝ Ռյազանի մարզերի վրա։
Թարգմանությունը՝ Էմմա Չոբանյանի
