23.04.2026 | 20:48
42 հազար դոլարի դիմաց կազմակերպել էին ապօրինի միգրացիա․ քրեական վարույթի նախաքննությունն ավարտվել է
Նիկոլ Փաշինյանի ինքնաթիռը չի կարողացել վայրէջք կատարել Մոսկվայում՝ փակ օդային տարածքի պատճառով․ Baza
Քաղաքականություն
11.12.2025 | 10:53
ՀՀ վարչապետ Նիկոլ Փաշինյանի ինքնաթիռը չի կարողացել վայրէջք կատարել Մոսկվայում՝ փակ օդային տարածքի պատճառով, և ուղղվել է դեպի այլընտրանքային օդանավակայան։ ԱԹՍ-ների գիշերային հարձակումը Մոսկվայի օդանավակայաններում հետաձգել է ավելի քան 170 չվերթ, գրում է ռուսական Baza տելեգրամ ալիքը։
Ըստ Baza-ի՝ Նիկոլ Փաշինյանի ACJ319-ը գրեթե մեկ ժամ պտտվել է Տվերի մարզի վրայով՝ սպասելով վայրէջքի թույլտվության, սակայն այդպես էլ չի ստացվել։ Ինքնաթիռը, ի վերջո, ուղղությունը փոխել է դեպի Պուլկովո օդանավակայան, որտեղ վայրէջք է կատարել մոտավորապես ժամը 1:00-ին։
Հայաստանի վարչապետը Գերմանիա կատարած այցից հետո թռել է Մոսկվա՝ մասնակցելու Եվրասիական տնտեսական միության (ԵՏՄ) միջկառավարական խորհրդի նիստին։
Factor TV-ին առայժմ չի հաջողվել մեկնաբանություն ստանալ վարչապետի խոսնակից։
Մոսկվայի մարզն, ըստ ռուսական աղբյուրների, պատերազմի մեկնարկից ի վեր ամենամեծ հարձակումներից մեկին է բախվել. ՀՕՊ-ը գիշերը խոցել է 32 անօդաչու թռչող սարք։ Բնակիչները հայտնել են, որ գիշերը պայթյուններ են լսել Զելենոգրադում, Ռամենսկոյեում, Օդինցովոյում և Դուբնայում, որտեղ պայթյունները շարունակվել են մինչև վաղ առավոտյան՝ զուգորդված անօդաչու թռչող սարքերի ձայների հետ։
Մոսկվայի չորս օդանավակայաններում՝ Շերեմետևո, Դոմոդեդովո, Վնուկովո և Ժուկովսկի, մեկը մյուսի հետևից սահմանափակումներ են մտցվել։ Ավելի քան 170 չվերթ հետաձգվել է, չեղարկվել կամ փոխել ուղղությունը։ Չվերթների զգալի մասը, ի վերջո, ուղղությունը փոխել է դեպի Պուլկովո՝ այլընտրանքային օդանավակայան։ Երկու միջազգային չվերթներ մեկուկես ժամից ավելի պտտվել են Վլադիմիրի մարզի վրայով. մեկ ինքնաթիռ ուղղություն է վերցրել դեպի Սանկտ Պետերբուրգ, իսկ մյուսը մնացել է օդում՝ սպասելով բաց տարածքի։
Վնուկովոյի ուղևորները լուսաբացը դիմավորել են տերմինալում։
Թարգմանությունը՝ Էմմա Չոբանյանի
