18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ադրբեջանն ու ՆԱՏՕ-ն համատեղ զորավարժությունների մասին փաստաթուղթ են ստորագրել
Քաղաքականություն
10.12.2025 | 20:23
Ադրբեջանի պաշտպանության նախարարությունը և ՆԱՏՕ-ն ստորագրել են փոխըմբռնման արձանագրություն՝ «Գործընկեր երկրների կարողությունների փոխգործունակություն» նախաձեռնության շրջանակում համատեղ վարժանքներ անցկացնելու վերաբերյալ։ Այս մասին հայտնում է Ադրբեջանի պաշտպանության նախարարությունը։
Փաստաթուղթը ստորագրվել է Բրյուսելում Ադրբեջանի ռազմական մասնագետների և ՆԱՏՕ-ի դաշնակից ուժերի գլխավոր հրամանատարի շարժական ուսումնական ստորաբաժանման միջև երկրորդ համակարգող հանդիպումից հետո։ Հանդիպումը տեղի է ունեցել 2025 թվականի անհատական գործընկերության և համագործակցության ծրագրի (IPCP) շրջանակներում։
Գեներալ-մայոր Վուգար Ալիվերդիևն ընդգծել է, որ IPCP-ն պարբերաբար անցկացնում է դասընթացներ և վարժանքներ, որոնք ուղղված են ադրբեջանցի զինծառայողներին ՆԱՏՕ-ի չափանիշներին ծանոթացնելուն, օպերատիվ պլանավորման և հրամանատարական ու վերահսկողական համակարգերի վարժանքներին, ինչպես նաև ՆԱՏՕ-ի ոճով վարժանքներ պատրաստելու և անցկացնելու հմտությունների զարգացմանը օպերատիվ և մարտավարական մակարդակներում։
Նշվել է, որ առաջիկա զորավարժությունները կնպաստեն Ադրբեջանի և ՆԱՏՕ-ի միջև համագործակցության խորացմանը, ադրբեջանական բանակի օպերատիվ պատրաստվածության բարձրացմանը՝ համաձայն դաշինքի չափանիշներին, կոլեկտիվ անվտանգության ամրապնդմանը, ինչպես նաև տարածաշրջանում խաղաղության և կայունության խթանմանը։
Թարգմանությունը՝ Էմմա Չոբանյանի
