20.02.2026 | 16:02
Ժաննա Անդրեասյանը հանդիպել է դեսպան Ալեքսանդրա Քոուլին
Իվանիշվիլիի ռեժիմը խոչընդոտում է Հայաստանի և Ադրբեջանի միջև հարաբերությունների կարգավորմանը. Սաակաշվիլի
Քաղաքականություն
10.12.2025 | 17:51
Վրաստանի նախկին նախագահ, ներկայում բանտարկված Միխեիլ Սաակաշվիլին երկրի իշխանություններին մեղադրել է Հայաստանի և Ադրբեջանի հարաբերությունների կարգավորմանը խոչընդոտելու մեջ։
«Իվանիշվիլիի ռեժիմը խոչընդոտում է Հայաստանի և Ադրբեջանի միջև հարաբերությունների կարգավորմանը։ Հարցն այն է, որ Ադրբեջանը պատմական որոշում կայացրեց՝ պարբերաբար նավթամթերք մատակարարել Հայաստանին, ինչն այս փուլում հնարավոր է միայն վրացական երկաթուղիներով։ Բայց այստեղ չարագործներն այնպիսի սակագին են սահմանել, որ ավելի լավ կլինի դրանից հրաժարվել»,- ֆեյսբուքյան իր էջում գրել է Սաակաշվիլին։
Նա նշել է՝ Իվանիշվիլին չի կարող չիմանալ, որ ոչ ոք չի կարող նման սակագին վճարել, ուստի այստեղ նպատակը Հայաստան-Ադրբեջան մերձեցումը, Թրամփի միջանցքի քաղաքականությունը խոչընդոտելն է, և չգիտի՝ արդյո՞ք նրանք ցանկանում են գրավել Թրամփի ուշադրությունը, թե՞ պարզապես կատարում են Մոսկվայի հրահանգները։
«Մինչդեռ, ադրբեջանական սահմանից եկող բոլոր բեռնատարներին թույլատրվում է մուտք գործել Թբիլիսիի տուգանային գոտի։ Սահմանին նրանք պահանջում են մինչև 1000 դոլար մեկ անձի համար՝ անցնելու համար, ինչը նրանց հասանելիությունից դուրս գումար է։ Մինչդեռ մեր լրագրողների նյութերը դատարանի և յուրաքանչյուր քաղաքական գործչի ասածների մասին են, և գրեթե անհնար է հասկանալ լուրերը, շատ լուրջ աշխարհաքաղաքական դրամա, որը խաղարկվում է մեր աչքերի առաջ»,- գրել է Սաակաշվիլին։
Թարգմանությունը՝ Էմմա Չոբանյանի
