10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Բաքուն լավատեսորեն է տրամադրված 2026թ․ Երևանի հետ խաղաղության գործընթացի առաջընթացի նկատմամբ
Քաղաքականություն
10.12.2025 | 17:33
Ադրբեջանի և Հայաստանի միջև խաղաղության գործընթացի ներկայիս դինամիկան իրատեսական հիմք է ստեղծում 2026 թվականին առաջընթացի համար։ Ադրբեջանական լրատվամիջոցները, հղում անելով The Brussels Times-ին, նշում են, որ այս մասին Բրյուսելում կայացած ճեպազրույցի ժամանակ հայտարարել է Ադրբեջանի նախագահի հատուկ հանձնարարություններով ներկայացուցիչ Էլչին Ամիրբեկովը։
Ամիրբեկովի՝ լրագրողների հետ ճեպազրույցի զգալի մասը նվիրված է եղել Հայաստանի և Ադրբեջանի միջև խաղաղության գործընթացի զարգացմանը։ «Երեսուն տարուց ավելի հակամարտությունից հետո» Ամիրբեկովը ներկա գործընթացները բնութագրել է որպես «խաղաղության հասնելու հորիզոն, այլ ոչ թե վերջնաժամկետ սահմանող»։
Ադրբեջանցի պաշտոնյան նշել է, որ խաղաղության կառուցումը պետք է ընթանա «դանդաղ, բայց հաստատուն»՝ երկու կողմերին էլ ժամանակ տալով հարմարվելու և երկարաժամկետ կարգավորմանը աջակցելու համար։
«Ամիրբեկովը շեշտել է, որ միջազգային դերակատարները պետք է աջակցող, բայց ոչ կենտրոնական դեր խաղան [Ադրբեջանի և Հայաստանի միջև խաղաղության գործընթացում]: Նա որպես օրինակ բերել է Հյուսիսային Իռլանդիան, որտեղ հաշտեցումը պահանջում էր ժամանակ, հետևողականություն և վստահության աստիճանական վերականգնում: Չնայած դժվարություններին՝ նա զգուշավոր լավատեսություն է հայտնել, որ 2025 թվականը կարելի է հիշել որպես տարածաշրջանային հարաբերությունների շրջադարձային կետ, և որ իրադարձությունների ներկայիս ընթացքը իրատեսական հիմք է ստեղծում 2026 թվականին և դրանից հետո առաջընթացի համար»,- ասվում է հրապաարակման մեջ:
Թարգմանությունը՝ Էմմա Չոբանյանի
