19.08.2026 | 09:33
ՀՀ տարածքում ավտոճանապարհներն անցանելի են
Ուկրաինան ռուսական «ստվերային նավատորմին» պատկանող նավ է կալանել. այն Ղրիմից գյուղատնտեսական արտադրանք էր տեղափոխում
Քաղաքականություն
10.12.2025 | 16:46
Ուկրաինայի անվտանգության ծառայությունը հայտնել է, որ Օդեսայի նավահանգստում կալանավորել է Ռուսաստանի «ստվերային նավատորմին» պատկանող նավ։ Ըստ Ուկրաինայի անվտանգության ծառայության հայտարարության՝ այն «անօրինական կերպով տեղափոխում էր ուկրաինական գյուղատնտեսական արտադրանք ժամանակավորապես օկուպացված Ղրիմից», գրում է The Insider-ը։
Հատուկ ծառայության տվյալներով՝ բեռնատար նավի սեփականատերը ենթարկվում է Ուկրաինայի Ազգային անվտանգության և պաշտպանության խորհրդի պատժամիջոցներին, և «սահմանափակումները շրջանցելու համար նա պարբերաբար փոխել է նավի անվանումը և երրորդ երկրներից պաշտոնական շահառուներին»։
Բեռնատար նավի անունը չի նշվում, սակայն ասվում է, որ այն Օդեսայի նավահանգիստ է ժամանել աֆրիկյան երկրի դրոշի ներքո՝ պողպատե խողովակների խմբաքանակ վերցնելու համար։ Կալանքի պահին նավի վրա եղել են նավապետը և անձնակազմի 16 այլ անդամներ, որոնք Մերձավոր Արևելքի մի քանի երկրների քաղաքացիներ են։
Ըստ ուկրաինական կողմի՝ նույնիսկ Ուկրաինայում լայնածավալ պատերազմի սկսվելուց առաջ նավն առնվազն յոթ անգամ այցելել է Սևաստոպոլ՝ Ռուսաստանի կողմից անօրինական կերպով արտահանված գյուղատնտեսական արտադրանքը տեղափոխելու համար։ Օրինակ՝ 2021 թվականի հունվարին բեռնատար նավը թերակղզուց Հյուսիսային Աֆրիկա է տեղափոխել գրեթե 7000 տոննա հացահատիկ։
Թարգմանությունը՝ Էմմա Չոբանյանի
