14.02.2026 | 17:01
Հայ և ադրբեջանցի փորձագետների համատեղ ասուլիսը. ՏԵՍԱՆՅՈՒԹ
Էրլինգ Հոլանդը տրանսֆերային գնով հավասարվել է ամենաթանկ ֆուտբոլիստին
10.12.2025 | 15:08
Transfermarkt-ը թարմացրել է Անգլիայի Պրեմիեր լիգայի ֆուտբոլիստների տրանսֆերային արժեքները։
Ամենաթանկ ֆուտբոլիստը «Մանչեսթեր Սիթիի» նորվեգացի հարձակվող Էրլինգ Հոլանդն է, որի տրանսֆերային արժեքն ավելացել է 20 միլիոն եվրոյով և կազմում է 200 միլիոն։
25-ամյա Հոլանդը հավասարվել է կատալոնական «Բարսելոնայի» ու Իսպանիայի հավաքականի հարձակվող Լամին Յամալին, որն ամենաբարձր տրանսֆերային գին ունեցող ֆուտբոլիստն է աշխարհում։ Երրորդ տեղում Մադրիդի «Ռեալի» ֆրանսիացի հարձակվող Կիլիան Մբապեն է՝ 180 միլիոն եվրո տրանսֆերային արժեք։
200 միլիոն տրանսֆերային գնին կարիերայի ընթացքում հասել են միայն Մբապեն ու «Ռեալի» մեկ այլ ֆուտբոլիստ Վինիսիուս Ժունիորը։
Անգլիայի Պրեմիեր լիգայի ամենաթանկ ֆուտբոլիստները՝ ըստ Transfermarkt-ի
- Էրլինգ Հոլանդ («Մանչեսթեր Սիթի»)՝ 200 միլիոն եվրո
- Բուկայո Սակա («Արսենալ»)՝ 130 միլիոն եվրո
- Դեքլան Ռայս («Արսենալ»)՝ 120 միլիոն եվրո
- Ալեքսանդր Իսակ («Լիվերպուլ»)՝ 120 միլիոն եվրո
- Քոուլ Փալմեր («Չելսի»)՝ 120 միլիոն եվրո
- Ֆլորիան Վիրց («Լիվերպուլ»)՝ 110 միլիոն եվրո
- Մոյսես Կայսեդո («Չելսի»)՝ 110 միլիոն եվրո
- Ուիլյամ Սալիբա («Արսենալ»)՝ 90 միլիոն եվրո
- Ռայան Գրավենբերխ («Լիվերպուլ»)՝ 90 միլիոն եվրո
- Դոմինիկ Սոբոսլաի («Լիվերպուլ»)՝ 85 միլիոն եվրո
