07.03.2026 | 10:03
Ճամբարակ-Բերդ ավտոճանապարհը փակ է
Վահան Բիչախչյանը «Լեգիայի» կազմում ժամանել է Հայաստան․ ՏԵՍԱՆՅՈՒԹ
10.12.2025 | 14:41
Լեհական «Լեգիան» ժամանել է Երևան, որտեղ Կոնֆերենցիաների լիգայի 5-րդ տուրի հանդիպումն է անցկացնելու Հայաստանի չեմպիոն ու գավաթակիր «Նոայի» հետ։
Լեհական ակումբի կազմում է նաև Հայաստանի ազգային հավաքականի կիսապաշտպան Վահան Բիչախչյանը։
Դեկտեմբերի 10-ին «Լեգիան» նախախաղային մարզում կանցկացնի Վազգեն Սարգսյանի անվան «Հանրապետական» ստադիոնում։
«Նոա» – «Լեգիա» հանդիպումը կկայանա դեկտեմբերի 11-ին Վազգեն Սարգսյանի անվան «Հանրապետական» ստադիոնում ու կմեկնարկի ժամը 21։45-ին։
Հիշեցնենք, որ 4 խաղից հետո երևանյան ակումբն ունի 5 միավոր և 23-րդ տեղում է։ Կոնֆերենցիաների լիգայում փլեյ-օֆֆի ուղեգիր են նվաճում 1-24-րդ տեղ գրաված թիմերը։ Նախորդ 4 խաղերում «Նոան» հաղթել է խորվաթական «Ռիեկային» (1։0), ոչ-ոքի գրանցել ռումինական «Ունիվերսիտատեա Կրայովայի» (1։1) ու շոտլանդական «Աբերդինի» (1։1) հետ և պարտվել Չեխիայի գավաթակիր «Սիգմային» (1։2)։ Լիգայի փուլի վերջին տուրում Սանդրո Պերկովիչի գլխավորած թիմը դեկտեմբերի 19-ին արտագնա հանդիպում է անցկացնելու Կիևի «Դինամոյի» հետ։
