16.09.2026 | 14:20
Չեմ բացահայտի մեր քայլերը Տիգրանաշենի հետ կապված. Վաղինակ Վարդանով․ ՏԵՍԱՆՅՈՒԹ
Մայք Թայսոն․ Դա կլինի սպորտի պատմության ամենամասշտաբային իրադարձություններից մեկը
10.12.2025 | 13:39
Պրոֆեսիոնալ բռնցքամարտի գերծանր քաշային կարգում աշխարհի նախկին բացարձակ չեմպիոն Մայք Թայսոնը պատմել է, թե երբ և որտեղ է կայանալու ամերիկացի անպարտելի բռնցքամարտիկ Ֆլոյդ Մեյվեզերի հետ ցուցադրական մենամարտը։
«Մենամարտը կկայանա մարտին Աֆրիկայում։ Ցնցող է լինելու։ Մենք կգերազանցենք բոլոր ռեկորդները։ Դա կլինի սպորտի պատմության մեջ ամենամասշտաբային իրադարձություններից մեկը»,-59-ամյա Թայսոնի խոսքը մեջբերում է Source of Boxing-ը:
Մայք Թայսոնը պրոֆեսիոնալ կարիերան ավարտել է 2005 թվականին։ Պրոֆեսիոնալ ռինգում ամերիկացին անցկացրել է 59 մենամարտ, տարել 50 հաղթանակ ու կրել 7 պարտություն։
48-ամյա Մեյվեզերն աշխարհի չեմպիոն է եղել 5 քաշային կարգում, իսկ 2017-ին ավարտել է պրոֆեսիոնալ կարիերան։ Նա 50 մենամարտում տարել է նույնքան հաղթանակ։
