19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Ռուսական հարձակումների հետևանքով Դնեպրոպետրովսկի մարզում գազատար է վնասվել. զոհեր և վիրավորներ կան
Քաղաքականություն
10.12.2025 | 14:30
Դնեպրոպետրովսկի մարզում ռուսական հարձակումների հետևանքով մեկ մարդ զոհվել է, ևս երկուսը՝ վիրավորվել, հայտնել է տարածաշրջանային ռազմական վարչակազմի ղեկավարի պաշտոնակատար Վլադիսլավ Գայվանենկոն, գրում է Current time-ը։
Նրա խոսքով՝ Կրիվոյ Ռոգի շրջանի Զելենոդոլսկ համայնքի վրա FPV անօդաչու թռչող սարքի հարվածը վնասել է գազատարը, որի հետևանքով զոհվել է մեկ տղամարդ։
Նիկոպոլի շրջանում վիրավորվել են 23 և 39 տարեկան տղամարդիկ: Ռուսական ուժերը հարվածել են Նիկոպոլին, ինչպես նաև Չերվոնոգրիգորովսկ, Մարգանեց և Պոկրովսկ համայնքներին: Վնասվել են ենթակառուցվածքները և գյուղատնտեսական ձեռնարկություն, հրդեհվել է մասնավոր տուն, վնասվել են էլեկտրահաղորդման գծեր և մեքենա:
Ռուսական զորքերը նաև հարվածներ են հասցրել Չեռնիգովի մարզի Կորյուկովսկի շրջանին: Անօդաչուն հարվածել է քաղաքացիական շենքի, ինչի հետևանքով հրդեհ է բռնկվել: Ուկրաինայի արտակարգ իրավիճակների պետական ծառայության տվյալներով՝ տուժածներ չկան:
Թարգմանությունը՝ Էմմա Չոբանյանի
