05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Մխիթարյան․ Կարծում եմ՝ այդ դրվագում 11-մետրանոց չկար
10.12.2025 | 12:27
Իտալական «Ինտերի» կիսապաշտպանը Հենրիխ Մխիթարյանը խոսել է Չեմպիոնների լիգայի 6-րդ տուրում անգլիական «Լիվերպուլից» կրած տնային պարտության (0։1) ու խաղի վերջնամասում նշանակված 11-մետրանոցի մասին (տեսանյութ):
«Կարող էինք ավելի լավ խաղալ ու ստեղծել ավելի շատ գոլային պահեր։ Կարող էինք ինչպես հաղթել, այնպես էլ պարտվել։ Այս խաղը պետք է ավարտվեր 0։0 հաշվով, չգիտեմ, թե որտեղից գտան այդ 11-մետրանոցը։ Կարծում եմ՝ այդ դրվագում 11-մետրանոց չկար։ Եթե ամեն նման հպման համար մրցավարը սուլի, ո՞ւր կգնա ֆուտբոլը։ Ամեն դեպքում, այլևս ոչինչ փոխել հնարավոր չէ, պետք նայել առաջ, փորձել խաղալ ավելի լավ ու հաղթել մնացած 2 խաղում։
Առանց Սալահի էլ «Լիվերպուլը» լավ էր խաղում։ Սալահը խաղալու էր, թե՝ ոչ, մեզ համար դա ոչինչ չէր փոխում։ Պատրաստվել էինք խաղին այնպես, ինչպես միշտ ենք պատրաստվում։ Դա նրանց խնդիրն է, իսկ մենք պետք է կենտրոնանանք մեր խաղի վրա»,- Okko Sport-ի եթերում ասել է Հայաստանի ազգային հավաքականի նախկին ավագը։
Հիշեցնենք, որ Հենրիխ Մխիթարյանը վնասվածքից վերականգնվելուց հետո առաջին անգամ էր ընդգրկվել «Ինտերի» մեկնարկային կազմում և փոխարինվել էր 83-րդ րոպեին։ 57-րդ րոպեին 36-ամյա կիսապաշտպանը ստացել էր դեղին քարտ։
