11.09.2026 | 10:38
Հայաստանն Իրաքյան Քուրդիստանի հետ քննարկել է առևտրատնտեսական կապերը զարգացնելու հնարավորությունները
Ռուսաստանում առաջարկել են արգելել միջազգային մուտքային զանգերը՝ առանց բաժանորդի համաձայնության
Քաղաքականություն
10.12.2025 | 14:09
Ռուսաստանի կառավարությունը նախատեսում է արգելել միջազգային մուտքային զանգերը՝ առանց բաժանորդի համաձայնության, նման զանգերը ենթակա կլինեն պարտադիր մակնշման, գրում է Meduza-ն։
Այս առաջարկները ներառված են քաղաքացիներին հեռախոսային և համացանցային խարդախությունից պաշտպանելու միջոցառումների երկրորդ փաթեթում, հայտարարել է ՌԴ փոխվարչապետ, կառավարության աշխատակազմի ղեկավար Դմիտրի Գրիգորենկոն։
Նրա խոսքով՝ փաթեթը ներառում է շուրջ 20 նախաձեռնություն։ Մասնավորապես, այն առաջարկում է սահմանափակել անձի կողմից բանկային քարտերի քանակը։
Նախկինում կառավարությունն առաջարկում էր, որը անձն իր անունով ձևակերպի ոչ ավելի, քան 10 քարտ։
Ռուսաստանի իշխանությունները խարդախության դեմ պայքարի առաջին միջոցառումների փաթեթն ընդունեցին 2025 թվականի առաջին կեսին: Հունիսից ուժի մեջ է մտել շուրջ 30 կանոն պարունակող օրենք: Իշխանություններն այդ կանոնները կիրառել են աստիճանաբար: Օրինակ՝ օգոստոսի 1-ից սկսած՝ ռուսաստանցիները կարող են հրաժարվել SMS հաղորդագրություններ ստանալուց, իսկ սեպտեմբերի 1-ից սկսած՝ անցանկալի հեռախոսազանգեր ստանալուց։
Խարդախության դեմ պայքարի պատրվակով կառավարությունը նաև արգելել է ձայնային և տեսազանգերը WhatsApp-ի և Telegram-ի նման հայտնի հավելվածներում:
Թարգմանությունը՝ Էմմա Չոբանյանի
