23.01.2026 | 23:21
Մասկը վերադարձել է մեծ քաղաքականություն և շարունակում է ֆինանսավորել հանրապետականներին. WSJ
ԱԱ․ Հայաստանը 9 բռնցքամարտիկ ունի 1/4 եզրափակիչում․ ՏԵՍԱՆՅՈՒԹ
10.12.2025 | 11:20
Դուբայում շարունակվող բռնցքամարտի աշխարհի առաջնությունում Հայաստանի ևս 3 ներկայացուցիչ դուրս է եկել քառորդ եզրափակիչ։
1/8 եզրափակիչում հաղթանակի են հասել Ռուդոլֆ Գարբոյանը (51 կգ), Ժիրայր Սարգսյանը (57 կգ) և Ռաֆայել Հովհաննիսյանը (86 կգ), իսկ Դավիթ Եգորյանը (54 կգ) և Նարեկ Հովհաննիսյանը (63.5 կգ) պարտվել են ու ավարտել ելույթները։ Ժիրայր Սարգսյանը նոկաուտի է ենթարկել Միրեն Չեմբենին։
Ավելի վաղ քառորդ եզրափակիչի ուղեգիր էին նվաճել նաև Բարեղամ Հարությունյանը (48 կգ), Արթուր Բազեյանը (60 կգ), Հովհաննես Բաչկովը (67 կգ), Արտուշ Հովհաննիսյանը (80 կգ), Նարեկ Մանասյանը (92 կգ) և Դավիթ Չալոյանը (+92 կգ)։
Քառորդ եզրափակիչում 9 մասնակից ունենալն աշխարհի առաջնություններում լավագույն արդյունքն է Հայաստանի հավաքականի համար։
Հայաստանի հավաքականը մրցավայր է մեկնել 14 բռնցքամարտիկով։ Աշխարհի առաջնությունը կավարտվի դեկտեմբերի 13-ին, 13 քաշային կարգում մասնակցում է 108 երկրի 428 բռնցքամարտիկ։
