10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
Սիզրանի նավթավերամշակման գործարանը դադարեցրել է աշխատանքը ուկրաինական ԱԹՍ-ների հարձակումից հետո
Քաղաքականություն
10.12.2025 | 12:44
ՌԴ Սիզրանի նավթավերամշակման գործարանը դադարեցրել է նավթի վերամշակումը դեկտեմբերի 5-ին ուկրաինական անօդաչու թռչող սարքերի կողմից հարձակման ենթարկվելուց հետո։ Այս մասին հաղորդում է Reuters-ը՝ հղում անելով երկու արդյունաբերական աղբյուրների, գրում է Meduza-ն։
Աղբյուրների խոսքով՝ անօդաչուները վնասել են CDU-6 հում նավթի մշակման սարքավորումը, որն օգոստոսին արդեն հարձակման էր ենթարկվել անօդաչու թռչող սարքերի կողմից, որից հետո դրա վերանորոգումը տևել է երկու շաբաթ։
Աղբյուրներից մեկի խոսքով՝ նոր վերանորոգումը կարող է տևել մեկ ամիս։
«Ռոսնեֆտ»-ը, որը գործարանի սեփականատերն է, չի արձագանքել մեկնաբանության հարցմանը։
Սիզրանի քաղաքապետ Սերգեյ Վոլոդչենկովն ուկրաինական անօդաչու թռչող սարքի հարձակման մասին հայտնել էր դեկտեմբերի լույս 5-ի գիշերը։ Նա չէր մանրամասնել հարվածի հետևանքները։ Astra-ն և ուկրաինական Exilenova+-ը պնդում են, որ գործարանին հարված է հասցվել։ Ուկրաինայի ԶՈՒ Գլխավոր շտաբը հաստատել էր, որ անօդաչու թռչող սարքերը հարձակվել են Սիզրանի նավթավերամշակման գործարանի վրա։
Թարգմանությունը՝ Էմմա Չոբանյանի
