30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ֆիդանը խոսել է ՀՀ-Թուրքիա հարաբերությունների կարգավորման գործընթացի մասին
Քաղաքականություն
10.12.2025 | 11:29
Թուրքիայի արտաքին գործերի նախարար Հաքան Ֆիդանը երկրի Ազգային Մեծ ժողովին նախարարության 2026 թվականի բյուջեն ներկայացնելիս խոսել է երկրի արտաքին քաղաքականության մոտեցումը, տարածաշրջանային ճգնաժամերի նկատմամբ դիրքորոշումը և բյուջետային նպատակները։
Նա անդրադարձել է նաև Հայաստանի հետ հարաբերությունների կարգավորման գործընթացին՝ նշելով, որ Հարավային Կովկասում Հայաստանի հետ հարաբերությունների կարգավորման գործընթացն իրականացվում է Բաքվի հետ համակարգված, և որ տարածաշրջանում ստեղծվել է պատմական հնարավորություն՝ երկարատև խաղաղության համար։
Ըստ Ֆիդանի՝ Անկարան կշարունակի անել անհրաժեշտ ամեն ինչ՝ տարածաշրջանում կայուն խաղաղություն ապահովելու համար և կխրախուսի կողմերին օգտվել այդ պատմական հնարավորությունից։
Թուրք պաշտոնյան նաև նշել է, որ Ադրբեջանի հետ հարաբերությունները շարունակվում են անխափան՝ բարձր մակարդակի փոխայցելություններով։
Թարգմանությունը՝ Էմմա Չոբանյանի
