18.05.2026 | 20:49
Ինժեներ՝ 70 հազար դրամ աշխատավարձով․ ինչ է հայտարարագրել «Ալյանս»-ի առաջին համարը
Վրաստանի պետական համալսարանների մագիստրոսական ծրագրերը նույնպես անվճար կլինեն
Քաղաքականություն
09.12.2025 | 21:14
Բակալավրի աստիճան ստանալուց հետո Վրաստանի պետական համալսարաններում մագիստրատուրան կդառնա լիովին անվճար։ Այս կետը ներառված է «Բարձրագույն կրթության մասին» օրենքում փոփոխությունների փաթեթում, որն այսօր սպորտի հարցերով խորհրդարանական հանձնաժողովի նիստում ներկայացրել է իշխող «Վրացական երազանքի» կառավարության կրթության փոխնախարար Զվիադ Գաբիսոնիան։
Կրթության բարեփոխումների փաթեթը շտապ կքննարկվի խորհրդարանի կողմից։
Գաբիսոնիայի խոսքով՝ բոլոր 19 պետական համալսարաններում ուսումը կդառնա անվճար, իսկ գործող դրամաշնորհային համակարգն ամբողջությամբ կփոխարինվի պետական ֆինանսավորմամբ։
«Մենք բարձրագույն կրթությունը դարձնում ենք լիովին անվճար։ Սա նշանակում է, որ գործող դրամաշնորհային մոդելը կփոխարինվի պետական լիարժեք ֆինանսավորմամբ։ Քվոտաների համակարգով պետական համալսարաններ ընդունված ուսանողները կսովորեն լիովին անվճար՝ թե՛ բակալավրի, թե՛ մագիստրատուրայի մակարդակներում»,- ասել է նա։
Փոփոխություններն ուժի մեջ մտնելուց հետո պետական ֆինանսավորման մոդելը կծածկի համալսարանի ուսման վարձի ամբողջ արժեքը։
Կրթական բարեփոխումների համաձայն՝ մագիստրոսի աստիճանը կտևի մեկ տարի, իսկ բակալավրի աստիճանը՝ երեք տարի։
Թարգմանությունը՝ Էմմա Չոբանյանի
