09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Թուրքիայի ռազմական աղբյուրները հայտնում են՝ՌԴ-ից գտնված C-400-ները այլ երկրի հանձնելու հարցը քննարկման թեմա չէ
Քաղաքականություն
09.12.2025 | 22:51
C-400 ՀՕՊ համակարգերը մեկ այլ երկրի փոխանցելու հարցը քննարկումների սեղանին չէ, Türkiye Today-ին բացառիկ կերպով հայտնել են թուրքական ռազմական աղբյուրները։ Արձագանքելով շրջանառվող պնդումներին՝ աղբյուրներն ընդգծել են, որ Թուրքիան որևէ պարագայում չի քննարկում համակարգերի փոխանցումը։
Թուրքիան Ռուսաստանից C-400 ՀՕՊ համակարգեր ձեռք բերելու պայմանագիրը ստորագրել է 2017 թվականին։ Առաջին մատակարարումները Թուրքիա են ժամանել 2019 թվականի հուլիսին։ Այս խնդիրը լարվածություն է ստեղծել Թուրքիայի և ԱՄՆ-ի միջև։
C-400-ներն այլ երկրի հնարավոր փոխանցման մասին լուրերը սրվել էին ԱՄՆ դեսպան Բարաքի՝ մի քանի օր առաջ արած հայտարարությունից հետո, որը ենթադրություններ առաջացրեց Թուրքիայի սպառազինության պաշարներում գտնվող C400-ների ապագայի վերաբերյալ։ Նա ասել էր, որ ակնկալում է C-400-ի հարցի լուծում մինչև հաջորդ տարի՝ առանց որևէ հնարավոր սցենարի մասին խոսելու։
Դրանից հետո հնդկական մամուլում հաղորդագրություններ էին տարածվել այն մասին, որ Թուրքիան կարող է С-400-ները փոխանցել Հնդկաստանին։ Սակայն դրանց վերաբերյալ պաշտոնական հաստատում կամ հայտարարություն չի եղել ո՛չ Թուրքիայից, ո՛չ էլ Հնդկաստանից։
Թուրքական ռազմական աղբյուրներն ընդգծել են, որ նման տարբերակ չի քննարկվում։
Թուրքիան հեռացվել է F-35 ծրագրից 2019 թվականին՝ Ռուսաստանից C-400 հակաօդային պաշտպանության համակարգերը գնելուց հետո։ Չնայած բացառմանը՝ Թուրքիան արդեն վճարել էր մոտ 1,4 միլիարդ դոլար՝ 100 F-35 գնելու համար։ Վաշինգտոնը չի վերադարձրել այդ գումարը։
Թարգմանությունը՝ Էմմա Չոբանյանի
.
