18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Սլովակիան Արցախում «խելացի գյուղ» է կառուցում. Ալիև
Քաղաքականություն
09.12.2025 | 19:38
Ադրբեջանի նախագահ Իլհամ Ալիևը Բրատիսլավայում պաշտոնական ընդունելության ժամանակ շնորհակալություն է հայտնել Սլովակիային՝ «Ղարաբաղի վերականգնման գործում ցուցաբերած աջակցության համար»։
«Խելացի գյուղը՝ բնակավայրը, որի շինարարությունն արդեն իսկ լայն թափով ընթացքի մեջ է, կդառնա Սլովակիայի հաջողության խորհրդանիշը ազատագրված տարածքներում: Այս գյուղը, որը ներառում է 851 մասնավոր տուն, 10 բնակարանային շենք, դպրոց, մանկապարտեզ և բժշկական կենտրոն, հավերժ կմնա ձեր նվաճումների արտացոլումը և մեր բարեկամության խորհրդանիշը։ Այսօր օկուպացիայից ազատագրված տարածքների վերականգնումն Ադրբեջանի գերակա խնդիրն է»,- ասել է Ալիևը։
Նա նշել է, որ Սլովակիան օգնում է նաև ականազերծման հարցում:
«Սլովակիայից ստացված մասնագիտացված սարքավորումներն օգնում են փրկել կյանքեր և պաշտպանել մարդկանց առողջությունը: Ցավոք, 2020 թվականին Երկրորդ Ղարաբաղյան պատերազմի ավարտից ի վեր ավելի քան 400 մարդ է զոհվել կամ ծանր վիրավորվել ականների պայթյունի հետևանքով: Ձեր տրամադրած սարքավորումներն իսկապես կյանքեր են փրկում»,- հայտարարել է Ադրբեջանի ղեկավարը:
Թարգմանությունը՝ Էմմա Չոբանյանի
