29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
ՌԴ-ում Ան-22 ռազմական տրանսպորտային ինքնաթիռ է կործանվել
Քաղաքականություն
09.12.2025 | 14:17
ՌԴ Իվանովոյի մարզում կործանվել է Ան-22 ռազմական տրանսպորտային ինքնաթիռ, հաղորդում է ՏԱՍՍ-ը՝ հղում անելով արտակարգ ծառայությունների աղբյուրին։ Ըստ Meduza-ի՝ օդանավում եղել է յոթ մարդ։ Նրանց ճակատագիրն անհայտ է։
Ան-22-ն աշխարհի ամենամեծ ինքնաթիռն է, որը նախատեսված է զենքի, ռազմական տեխնիկայի և զորքերի երկար հեռավորություններով տեղափոխման համար։ 2024 թվականի ամռանը Ռուսաստանի օդատիեզերական ուժերի հրամանատարությունը հայտարարեց, որ մնացած Ան-22 ինքնաթիռները դուրս կգան շահագործումից։
Ռուսաստանի պաշտպանության նախարարությունը հայտնել է, որ երեքշաբթի Իվանովոյի մարզում վերանորոգումից հետո թռիչքի ժամանակ կործանվել է Ան-22 ռազմական տրանսպորտային ինքնաթիռ։
«Ինքնաթիռը կործանվել է անմարդաբնակ տարածքում։ Վթարի վայր է մեկնել որոնողական-փրկարարական խումբ՝ անձնակազմի ճակատագիրը պարզելու համար»,- հայտարարել է նախարարությունը։
Ռուսական ռազմական գերատեսչությունը հայտնել է, որ դեպքի վայր է ուղարկվել Ռուսաստանի օդատիեզերական ուժերի հանձնաժողով՝ վթարի բոլոր հանգամանքները պարզելու համար։
Թարգմանությունը՝ Էմմա Չոբանյանի
