26.03.2026 | 23:44
Քարաթափում Սիսիան-Լծեն-Տաթև ավտոճանապարհին
ՀՀ-ն չի մասնակցում միջոցառումներին, բայց դեմ չէ փաստաթղթերի ընդունմանը. ՀԱՊԿ ԽՎ հանձնաժողովի նախագահ
Քաղաքականություն
09.12.2025 | 15:29
ՀԱՊԿ միջխորհրդարանական միջոցառումների տեսանկյունից հայ գործընկերները չեն մասնակցում մեր անցկացրած վեհաժողովի միջոցառումներին, բայց դեմ չեն բոլոր այն փաստաթղթերին, որոնք ընդունվում են վեհաժողովի շրջանակում։ Այս մասին հայտարարել է ՀԱՊԿ ԽՎ պաշտպանության և անվտանգության հարցերի մշտական հանձնաժողովի նախագահ, ՌԴ Պետդումայի անդամ Անատոլի Վիբորնին Մոսկվա-Աստանա-Բիշքեկ-Երևան-Մինսկ տեսակամրջի ժամանակ։
«ՀԱՊԿ-ը, ՀԱՊԿ ԽՎ-ն աշխարհում միակ հարթակն է, որտեղ որոշումները կայացվում են բացառապես ազատ կամքով։ Երկրի, խորհրդարանականների վրա որևէ ճնշում չի գործադրվում։ Մենք հարգանքով ենք վերաբերվում այն որոշումներին, որոնք կայացնում են մեր գործընկերներիը, պահանջներ չունենք։ Եվ նաև տեսնում ենք, որ Հայաստանը խոր հարգանքով է վերաբերվում մեր կայացրած որոշումներին։ Երևանը դեմ չէ այս կամ այն որոշումներին։ Դա չափազանց կարևոր է մեզ բոլորիս համար»,- ասել է Վիբորնին։
Նա նշել է, որ ՀԱՊԿ երկրներով կողմ են, որ բոլոր հարցերը լուծվեն բացառապես խաղաղ.ըստ նրա՝ այդ մասին գիտի Հայաստանը, գիտի Ադրբեջանը,գիտեն, ինչ ներդրում են ունեցել Լեռնային Ղարաբաղի հակամարտության կարգավորման գործում 1990-ականների սկզբին։
«Մենք հավատարիմ ենք մնալու այս քաղաքականությանը հետագայում՝ անելու հնարավոր ամեն ինչ, որ մարդիկ չզոհվեն, ցանկացած խնդիր լուծվի բացառապես խաղաղ ճանապարհով»,- ասել է Վիբորնին։
Նշենք, որ Մոսկվայում ՀԱՊԿ Խորհրդարանական վեհաժողովի նիստն էր անցկացվել, որին ՀՀ-ն չէր մասնակցել։
Թարգմանությունը՝ Էմմա Չոբանյանի
