29.06.2026 | 21:27
Պուտինի սուրպերզբոսանավը 2022թ․ ի վեր առաջին անգամ հայտնվել է ռադարների էկրանին․ այն նկատել են Դանիայի ափերի մոտ
Ադրբեջանը և ԱՄՆ-ն TRIPP նախագծի արագացմանը վերաբերող հարցեր են քննարկել
Քաղաքականություն
09.12.2025 | 18:17
Ադրբեջանը և ԱՄՆ-ն քննարկել են «Թրամփի ուղի» նախագծի (TRIPP) արագացմանը վերաբերող հարցեր։ Ադրբեջանական լրատվամիջոցների փոխանցմամբ՝ այս մասին հայտնել է Ադրբեջանի թվային զարգացման և տրանսպորտի նախարար Ռաշադ Նաբիևը։
«Հանդիպում է տեղի ունեցել ԱՄՆ տրանսպորտի նախարարության քարտուղարի օգնական Դանիել Էդվարդսի հետ։ Մենք մանրամասն տեղեկատվություն ենք տրամադրել Ադրբեջանի ռազմավարական նշանակության՝ որպես տարածաշրջանային տրանսպորտային և լոգիստիկ կենտրոնի, բազմամոդալ միջանցքների և ենթակառուցվածքային նախագծերի վերաբերյալ։ Մենք նաև քննարկել ենք տրանսպորտի այլ ոլորտներում, այդ թվում՝ ավիացիոն և ծովային տրանսպորտի, ինչպես նաև միջազգային կազմակերպությունների շրջանակում համագործակցությունը»,- նշել է նախարարը։
Ըստ Նաբիևի՝ մտքեր են փոխանակվել «Զանգեզուրի միջանցքի» բացման և Նախիջևանի երկաթուղու վերականգնման ու արդիականացման հարցում ԱՄՆ-ի հետ համագործակցության վերաբերյալ։
Հավելենք, սակայն, որ Վաշինգտոնում օգոստոսի 8-ին ստորագրված համաձայնագրերով որևէ «Զանգեզուրի միջանցքի» մասին խոսք չկա։ Դրանցում նշվում է «Թրամփի երթուղու» (TRIPP) մասին, սակայն ադրբեջանցի պաշտոնյաները շարունակում են «միջանցք» եզրույթն օգտագործել։
Թարգմանությունը՝ Էմմա Չոբանյանի
