30.10.2026 | 22:47
ՔՊ-ն Աշտարակում առաջադրում է գործող համայնքապետ Թովմաս Շահվերդյանին
1 միլիոն 425 հազար դրամ՝ Ծովագյուղի ամանորյա զարդարանքի համար
Տնտեսություն
09.12.2025 | 14:30
Factor.am-ն ուսումնասիրում է հանրապետության տարբեր համայնքներում ամանորյա զարդարանքի համար հայտարարված մրցույթները, հաղթած ընկերություններն ու իրականացվող ծախսերը։
Գեղարքունիքի մարզի Սևան համայնքի Ծովագյուղ բնակավայրում տոնածառ կտեղադրի «ՋԱՆԳՈԿ-ՔԵՄ» ՍՊԸ-ն՝ մեկ միլիոն չորս հարյուր քսանհինգ հազար դրամով։ Այս մասին Factor.am-ը տեղեկանում է գնումների պետական համակարգից։ Ընկերությունն ընտրվել է գնանշման հարցումով։
Էլեկտրոնային ռեգիստրից տեղեկանում ենք, որ ընկերության կանոնադրական կապիտալը 50 հազար դրամ է։
«Սևան համայնքի Ծովագյուղ բնակավայրի Մուրացանի արձանի հարակից տարածքում նախօրոք հավաքել բեմ և դրա վրա տեղադրել 5 մ բարձրությամբ ամանորյա տոնածառ, այն զարդարել լույսերով և ամանորյա խաղալիքներով»,- նշված է պայմանագրում։
Բացի այս, պայմանագրում նշված է, որ անհրաժեշտ է նաև տարածքը զարդարել ամանորյա լույսերով, լուսային էֆեկտներով, ամանորյա խաղալիքներով։
«Տոնածառի և հարակից տարածքի զարդարման ոճը, օգտագործվելիք լույսերը, լուսային էֆեկտները կատարել պատվիրատուի էսքիզներով և նախօրոք համաձայնեցնել պատվիրատուի հետ»,- տեղեկանում են պայմանագրից։
Նշված է նաև, որ ամանորյա տոնակատարություններից հետո զարդարման համար օգտագործված ամբողջ գույքը պետք է հանձնել Սևանի համայնքապետարանի տնօրինմանը:
Արփի Հակոբյան
