25.08.2026 | 16:14
Մի նոր խանի ցուցումով ուզում ենք փոխել մեր հռչակագիրը, մեր ծննդականը. Նարեկ Կարապետյան․ ՏԵՍԱՆՅՈՒԹ
ՀՀ ԱԳՆ խոսնակը՝ «3+3» հարթակի նախարարական հաջորդ հանդիպման անցկացման վայրի մասին
Քաղաքականություն
09.12.2025 | 13:00
«3+3» տարածաշրջանային հարթակի հերթական հանդիպման վայրի վերաբերյալ քննարկումները շարունակվում են: Factor.am-ի հարցին ի պատասխան հայտնել է ՀՀ արտգործնախարարության մամուլի խոսնակ Անի Բադալյանը՝ արձագանքելով Ադրբեջանի ԱԳ նախարարի երեկվա հայտարարությանը։
«Ինչպես արձանագրված է «3+3» տարածաշրջանային համագործակցության հարթակի երրորդ հանդիպման համատեղ կոմյունիկեում, նախարարական հաջորդ հանդիպման վայրն ու ամսաթիվը կհամաձայնեցվեն դիվանագիտական ուղիներով։ Ընդհանուր ընկալմամբ` այդ հանդիպումը պետք է անցկացվի Երևանում կամ Բաքվում։ Փոխադարձաբար ընդունելի լուծում գտնելու ուղղությամբ քննարկումները կշարունակվեն, պայմանավորվածության լինելու դեպքում կտեղեկացնենք»,- հայտնեց Անի Բադալյանը։
Հիշեցնենք, որ Ադրբեջանը երեկ առաջարկել է, որ «3+3» տարածաշրջանային ձևաչափի հերթական հանդիպումը նախ անցկացվի Ադրբեջանում, դրանից հետո արդեն՝ Հայաստանում։
Անի Թամրազյան
