01.02.2026 | 21:17
Փակ են Ամբերդ ամրոց և Քարի լիճ տանող ավտոճանապարհները
Լիտվան արտակարգ դրություն է հայտարարել Բելառուսից օդապարիկների պատճառով
Քաղաքականություն
09.12.2025 | 12:55
Լիտվայի կառավարությունը արտակարգ դրություն է հայտարարել Բելառուսից մաքսանենգ ապրանքներով օդապարիկներ արձակելու պատճառով: LRT-ի փոխանցմամբ՝ դրանք խաթարում են օդային երթևեկությունը և անվտանգության սպառնալիք են ներկայացնում, գրում է The Insider-ը։
Լիտվայի ներքին գործերի նախարար Վլադիսլավ Կոնդրատովիչը նշանակվել է արտակարգ դրության ընթացքում պետական գործողությունների ղեկավար։ Ներքին գործերի նախարարությունն ընդգծում է, որ արտակարգ դրությունը կպահանջի միայն թիրախային միջոցառումներ, որոնք «ուղղված կլինեն բացառապես անօրինական գործունեության կազմակերպիչներին և կատարողներին»։
Արտակարգ դրությունը նաև հնարավորություն կտա ավելի սերտ համակարգել գերատեսչությունները և, անհրաժեշտության դեպքում, տեղակայել ռազմական ստորաբաժանումներ։
Դեկտեմբերի 1-ին Վիլնյուսի օդանավակայանի աշխատանքը 11 ժամով կաթվածահար էր եղել Բելառուսից 60 օդապարիկների նպատակային թռիչքի պատճառով։ Սահմանափակումներն ազդել են ավելի քան 7400 ուղևորների և 50 չվերթի վրա. 31 թռիչք չեղարկվել է, 10-ը՝ վերահասցեագրվել, իսկ ինը՝ հետաձգվել։
Թարգմանությունը՝ Էմմա Չոբանյանի
