19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
ՌԴ Չեբոքսարում անօդաչուի բեկորներն ընկել են բնակելի շենքի վրա. տուժածներ կան. ՏԵՍԱՆՅՈՒԹ
09.12.2025 | 13:52
ՌԴ Չեբոքսար քաղաքում անօդաչու թռչող սարքի բեկորներն ընկել են բնակելի շենքի վրա, հաղորդում են ռուսական տելեգման ալիքները։ Meduza-ի փոխանցմամբ՝ վնասվել է Իվան Յակովլևի պողոտայի վրա գտնվող բարձրահարկ շենքը։
Mash-ի տվյալներով՝ բնակիչները քաղաքում լսել են յոթ պայթյուն։ Իվան Յակովլևի պողոտան և Խևեշսկայա փողոցը մասամբ փակ են։
Չուվաշիայի ղեկավար Օլեգ Նիկոլաևը հայտնել է, որ հանրապետությունը ենթարկվել է ուկրաինական անօդաչու թռչող սարքերի հարձակման, որի հետևանքով կան տուժածներ, վնասվել են բնակելի շենքեր, սակայն այլ մանրամասներ չի հայտնել: Նա հավելել է, որ Չեբոկսարի մի քանի փողոցներում երթևեկության ժամանակավոր սահմանափակումներ են սահմանվել և հանրությանը հիշեցրել է «անօդաչու թռչող սարքերի հայտնվելու» և դրանց բեկորների հետ կապված լուսանկարների ու տեսանյութերի հրապարակման արգելքի մասին:
Չուվաշիայի փոխվարչապետ Վլադիմիր Ստեպանովի խոսքով էլ՝ վիրավորվել է ինը մարդ, այդ թվում՝ մեկ երեխա։
Ռուսաստանի պաշտպանության նախարարությունը հայտնել է, որ գիշերը խոցվել է 121 անօդաչու թռչող սարք։
Թարգմանությունը՝ Էմմա Չոբանյանի
