09.06.2026 | 13:21
Ուկրաինական ուժերը կրկին հարվածել են Ղրիմ տանող կամրջին
Բայրամովը Արաղչիին տեղեկացրել է Հայաստանի հետ հարաբերությունների կարգավորման գործընթացի մասին
Քաղաքականություն
08.12.2025 | 15:41
Ադրբեջանի արտաքին գործերի նախարար Ջեյհուն Բայրամովը հայտարարել է, որ Բաքվում իրանցի գործընկեր Աբբաս Արաղչիի հանդիպմանը «մանրամասն տեղեկատվություն է տրամադրեցել Հայաստանի և Ադրբեջանի միջև առկա զարգացումների վերաբերյալ»։
Ըստ ադրբեջանցի պաշտոնյայի՝ երկկողմ համագործակցությունից բացի՝ քննարկել են տարածաշրջանի մի շարք երկրների հետ եռակողմ համագործակցության ձևաչափերի ընդլայնումը՝ ընդգրկելով ինչպես քաղաքական, այնպես էլ տնտեսական նախագծեր։ Ջեյհուն Բայրամովը նշել է, որ քննարկել են Մերձավոր Արևելքում տեղի ունեցող զարգացումները։
«Մեկ անգամ ևս ընդգծվեց, որ Ադրբեջանն ու Իրանը աջակցում են տարածաշրջանում խաղաղությանն ու կայունությանը»,- հավելել է նա։
Ադրբեջանի ԱԳՆ-ն հանդիպման վերաբերյալ ավելի վաղ հայտնել է, որ կողմերը հատուկ ուշադրություն են դարձրել տրանսպորտի և լոգիստիկայի ոլորտին, այդ թվում՝ «Հյուսիս-Հարավ միջազգային տրանսպորտային միջանցքին և Նախիջևանի Ինքնավար Հանրապետության ու Արևելյան Զանգեզուրի միջև կապ ապահովող նախագծերին՝ քննարկելով տնտեսական և առևտրային համագործակցության ամրապնդման ուղիներն ու մեխանիզմները»։
Իրանի արտաքին գործերի նախարար Աբբաս Արաղչիի գլխավորած պատվիրակությանն այսօր ընդունել է նաև Ադրբեջանի նախագահ Իլհամ Ալիևը։
Թարգմանությունը՝ Էմմա Չոբանյանի
